Unconfigured Ad Widget

**ShrifAzmy** · 27 / 08 / 2011, 06:59 AM

لاحظت معايا ان في تفاصيل كتير ضاعت مننا
مع تشغيل الفاينال جاذر بالاعدادات المحترمه ديه
وده وقت اننا نتكلم عن حاجه مهمه جدا
وشقيه جدا
وحتحبها جدا
Ambient occlusion
ودي طريقه من طرق الشادينج اللي حنتكلم عليها بالتفصيل ياجماعه في جزئية الماتيريالز
لكن اللي يهمنا هنا ان الامبينت اكلوجن ده حاجه اخترعتها استوديوهات ال ام كوسيله للتحايل على استخدام الانديركت ليمينيشن
في المشاهد
وهو عباره عن عملية حسابيه بتحسب مدى تخلل الضوء وامتداد ظلاله على الاسطح بالنسبه لكل اوبجكت اعتبار بمدى التناقص بتاع الضوء Attenuation ومقدر التباين بتاع الاسطح
وهو عادة ابيض واسود لتمثيل الضوء
الصورة دي مثل بسيط

**ShrifAzmy** · 27 / 08 / 2011, 07:05 AM

شايف مقدار التفاصيل اللي ظاهر في الصور ماهما كانت بسيطه او صغيره
بسبب الظلال والضوء
اهو ديه فكرة الامبينت اوكلوجن
واللي حتكتشفله فوايد كتييييييييير مع الوقت واولها دلوقت
احنا المشهد بتاعنا مدينله كله خامه واحده Arch & Disgen
حنروح على الاعدادات بتاعتها
وفي منطقة Special effects
حنفعل خيار الامبينت اوكلوجن Ambient Occlosion
وحنسيبه على الاعدادات الديفلت مش حنغيرها
وخاصة السامبلز لاننا زي ما قلنا soft shadows perision حيخلي القيمة تتضاعف
والنتيجه اللي حناخدها م الريندر حتكون كالتالي

**ShrifAzmy** · 27 / 08 / 2011, 07:09 AM

ممكن تحط نتيجة الريندر دي مع اللي قابله وتشوف الفرق ومقدار التفاصيل اللي ظهرت بفضل الحركه الاخيره دي
ولاحظ معايا احنا تقريبا حلينا كلنا المشاكل اللي قلنا عليها في الاول
لكن وصلنا لنقطه مهمه جدا وهي
فوتونز و جي اي
Photons & GI Or Global Illumination
ودا موضوع هاااااااااااااااااااااااااااااااااااااااام جدا
فحنخصصله وقت كامل المره الجايه
تطبيقاتكم بقى ياسباب للي فات

**ShrifAzmy** · 04 / 09 / 2011, 01:51 AM

في ناس اشتكت ان الملف الاخير مش بيفتح معاهم في بعض الاصدارات
انا رفعت الملف تاني بصيغة 3ds
وكل اللي عليك تستورده لملف الماكس اللي يعجبك
الرابط من هناhttp://www.megaupload.com/?d=WCP53T8T

**مكساوية** · 09 / 09 / 2011, 01:20 PM

الاستاذ شريف عزمي
تحية طيبة لمجهودك الكبير جدا وخصوصا انه عطاء وبروز لرفعة الذات من الداخل حيث لا انتظار لثمن سوى انه خط قل من يحيده ...

استاذ شريف وصلت متأخرة ولكني ابيت الا ان ادخل هذه الورشة ولو كنت بمفردي حتى لا اعيق احد بأسئلتي الا محودة لقلة خبرتي في هذا العالم الجميل

ولي عودة باذن الله

مع اجمل تحية

**ShrifAzmy** · 25 / 09 / 2011, 12:23 PM

شكرا يامكساويه
ارجو انك تكوني استفدتي من الورشه
معلهش بقى للتاخير في الرد
بس كنت بحضر للجزئيه الجايه لانها مهمه جدا
ومهم نستعرض كل تفاصيلها من غير ما نوقع حته
نكمل على بركة الله

**ShrifAzmy** · 25 / 09 / 2011, 01:02 PM

احنا اتكلمنا قبل سابق عن تصرف الضوء في الحياه الطبيعيه وازاي انه بيرتد من على الاسطح للاسطح التانيهبعد ماياخد معلومات لونها معاه ويرميها على الاسطح التانيه
فاكرين طبعا الجزئيه دي
طيب من الضروري اننا نعرف اسلوب عمل الريندر اينجين بيبقى ازاي
وهو بيفكر في احتساب الضوء ازاي علشان يطلعهولنا في المشاهد بالشكل اللي احنا عايزينه
اولا الريندر اينجينز كلها بتعتمد على اسلوبين لحساب الجي اي
الاول اسلوب تقديري بيعتمد على الكاميرا وبرغم ان طرق الاسلوب ده مش دقيقه اوي من الناحيه الفيزيائيه لكنها مش خطأ
اما الاسلوب التاني فده اسلوب حسابي بيعتمد على مصدر الضوء نفسه وطرقه كلها فيزيائيه تماما دقيقه بشكل صارم
طيب تعالو بقى نفصص الكلام ده ونشوف معناه ايه

**ShrifAzmy** · 25 / 09 / 2011, 06:16 PM

مبدئيا لازم نعرف ان الجزئيه اللي جايه دي مش بس في المنتل راي
لا دي فيراي واي راي وفاينال ريندر وماكسويل وريندر ام احمد كله بيعتمد على نفس الاساس
وهي نظريه عملها عالم اسمها نظرية الاضاءه بتقول ايه
the light arriving at a given point x in the scene from another point x1 is the sum of the light emitted from all other points x2 towards x1 and reflected towards x

بمعنى ان الضوء الواصل للنقطه س في المشهد قادما من النقطه ص هو مجموع الضوء الصادر من النقطه ع ووصوله للنقطه ص وارتداده عنها
بس نتكلم بقى عن اساليب القياس
الاساليب التقديريهApproximate methods:
الاساليب التقديريه وبتسمى ايضا الاساليب التجميعيه Gathering method
ودي بتعتمد على زاوية اللقطه
وتاخد منها نقطه تبتدي تحدد منها ايه هي الاجزاء المرئيه من المشهد واللي حتطلع في اللقطه
ويبتدي يحسب الجي اي في المنطقه دي بس ومالوش دعوه بالاجزاء التانيه اللي مش بتبان في اللقطه
طبعا ده بيبقى ممتاز لانه مابيدخلش في متاهة
الحسابات اللي انت مش محتاجها
طبعا من الامثله على الطرق اللي بتشتغل بالاسلوب التقديري
Irradiance map
brute force
light cache
Fainal gather

**ShrifAzmy** · 26 / 09 / 2011, 03:13 AM

تعالوا نشوف الكلام ده بيتم ازاي في الفاينال جاذر بتاعنا
بصوا الصورة دي

**fla5hy** · 26 / 09 / 2011, 03:19 AM

بصراحه انت عامل مجهود هايل هنا ربنا يكرمك

**ShrifAzmy** · 26 / 09 / 2011, 04:40 AM

اييييييييوة دا نفس المشهد الاخير اللي احنا شغالين عليه
وبنفس الاعدادات
اما النقط الخضراء دي فدي اللي الفاينال جاذر بيولدها ويعتمد عليها في حساب الجي اي
النقط دي مش حتكون موجوده غير في الجزئيه الللي قدام الكاميرا وبس
كل نقطه من دول بتطلق شعاع او اكتر - حسب ما بنقول احنا -
الشعاع ده بيمثل الضوء ويفضل ماشي لحد ما يقابل سطح ما ويرتد عنه الى سطح اخر وهكذا
وعدد مرات الارتداد ده احنا بردو اللي بنحددها
وكمان عدد النقاط بردو احنا اللي بنحددهم
من الكلام اللي فات تفهم ان المساحات اللي في المشهد كلها اضاءتها والوانها معتمده على تقاطع الاشعه اللي خارجه من كل نقطه
طيب ده الكلام الخفيف تعالوا نترجمه لاعدادات في الماكس

**ShrifAzmy** · 26 / 09 / 2011, 04:44 AM

المشاركة الأصلية بواسطة fla5hy مشاهدة المشاركة

بصراحه انت عامل مجهود هايل هنا ربنا يكرمك

اشكرك ياصديقي المهم نفيد بعض ونستفيد من تجارب بعض

**ShrifAzmy** · 26 / 09 / 2011, 05:19 AM

دي تاب الانديركت ليمينيشن ورول اب الفاينال جاذر
تعالو نتفرج على اعدادتها ووظيفة كل واحده منهم

**ShrifAzmy** · 26 / 09 / 2011, 04:14 PM

طبعا وبشكل سريع كده

Enable final gather لتفعيل الفاينالجاذر او ابطاله
Multiplier ده مضاعف القيم بتاعت الفاينال جاذر لو يضرب كل قيمه من اللي تحتيه في واحد ولو اتنين يضرب في اتني وهكذا
color cell خانة اللون دي بتتحكم في اللون بتاع الاضاءه الغير مباشره اللي بتصدر عن الفاينال جاذر المعتاد الابيض فبالتالي بيقوم بتفتيح الالوان بتاعت الاسطح اللي بتتاثر بالاضاءه الغير مباشره اما لو احمر مثلا يبقى حيجمع اللون مع اللون الاحمر ويطلع اللون اللي بينهم وهكذا
FG precision preset ده مؤشر لتفعيل مجموعة اعدادات سابقه التجهيز للريندر وهما خمسه
draft - low - mid - high - custom
طبعا الـ Custom ده اللي احنا بنحدد قيامه
لحد هنا ونبتدي نهدى بقى ونركز

**ShrifAzmy** · 27 / 09 / 2011, 01:05 AM

Project FG points from camera position( Best for still ) . Drop menu
القايمه دي بتقوول للفاينال جاذر يعتمد في توزيع النقط الخضرا ( Points )
على موقع الكاميرا وبيقولك ان ده خيار مناسب جدا للصور الثابته
لكن يعني ايه

احنا اتفقنا قبل سابق ان الفاينال جاذر بيولد نقط ويوزعها على اسطح الاوبجكتس في المشهد ويعتمد عليها في حساب الجي اي
وان النقط دي مش حتكون موجوده غير في الجزئيه الللي قدام الكاميرا وبس
يعني لو عملنا انيميشن للكاميرا وخدنا لقطه في اول فريم
ورجعنا خدناها في الفريم اللي بعده حتلاحظ ان النقط دي ما بقيتش في مكانها
والادهى انك حتلاقي الاضاءه وتوزيع الجي اي مش في محله
وخد عندك بلوتشس وفليكر ونويز
م الاخر حيطلبوك في الشركه ويقلولك ياتستقيل يا اوفيس بوي

طيب ايه الحل لو عايزين نعمل انيمشين ونتفسح في المكان ونطلع كام شوت كده
دي بقى الاوبشن التاني
Project FG points from position Along camera path
دا بيولد النقط او الـ Points بناء على موضع الكاميرا على طول المسار اللي حتمشيه الكاميرا
وبالتالي نلاقي ريندر نضيف من غير مشاكل

Unconfigured Ad Widget

إعـــــــلان

Lighting & Rendering work shop

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق