الرئيس مرسى إستخدم حقه التنفيذى فى إعادة مجلس الشعب بصورة مؤقتة لسد الفراغ التشريعى فى الدولة لحين إنتهاء الدستور ليتم إعادة الإنتخابات و ده عين العقل
هل تحب إن الجيش هو اللى يحطلك الدستور على مزاجه؟
الرئيس إحترم حكم القضاء فى بطلان المجلس بالرغم من الشبهات القوية التى تخص الحكم و سيبقى على المجلس الحالى بصورة مؤقتة فقط حتى تتواجد جهة لوضع الدستور و إلا فالخطوة القادمة هى حكم قضائى بحل لجنة إعداد الدستور و إعادة الكرة إلى ملعب الجيش

كل المعارضين حاليا هم قلة قليلة جدا لا وزن لهم إلا فى تضخيم الإعلام لحجمهم و كالعادة النخب السياسية و القضائية الفاسدة فى إتجاه و بقية الشعب فى إتجاه تانى

و الرئيس لو إستخدم حقه كمواطن فقط و ليس حتى كرئيس هيحبس نصهم ﻷنهم تخطوا حدود حرية الرأى و التعبير إلى السب و القذف فى الرمز الأعلى للدولة و هو الرئيس فما بالك بمن دعا إلى إنقلاب عسكرى بشكل سافر و من نفى عن الرئيس صفته الرئاسية

وانت كنت منتظر ايه ؟

مش الاخوان قالوا احنا مش هنرشح حد فى الانتخابات الرئاسية ؟ وكان وعدهم صادق
مش قالوا مش هناخذ الا 25% من مقاعد مجلس العشب ؟ وكان وعدهم صادق
مش قالوا احنا مش هنأخذ اغلبية فى الجمعية الـتأسيسة لوضع الدستور ؟ وكانوا بردوا صادقين
مش الكاتاتنى قال قبل حكم المحكمة الاول ان اى قرار من المحكمة سنحترمه وننفذه ؟ وكان نعم الكلام من رجل صادق
مش الرئيس قال انا احترم الدستور والقانون ؟ فكان صادق فى وعده وفى قسمه
مش الرئيس قال الحكومة لن تكون اغلبية من الاخوان ؟ يبقى توقع انت شكل الحكومة


الاخ الزعلان ان الجمعية النأسيسة هتتلغى ان شاء الله
انت عارف ان فى 50% فى الجمعية دى ناس لا يفقهون فى القانون شىء
هل يجوز ان تكون نصف الجمعية التأسيسة للدستور من مجلس الشعب على اساس ايه
انا الي اعرفه لو روحت لسباك علشان يضع لك خطة عمل لكى تنهض شركتك يبقى لازم تعرف ان شركتك هيبقى فيها احسن نظام صرف صحى بس يعد عامين او عام ستتحول لشركة سباكة


بصراحة انا متعجب من الناس كىف يختارون ويوافقون على ان من يضع دستور مصر هم ناس لا تفقه شىء فى القانون او الدستور بل لا يحترموه ايضا


هو د مرسى مستعجل أوى على المعارضة ليه ؟ ولا علشان هو عارف ان مش هتبقى معارضة انما مداعبة

لو عايز يطلع قانون قعد مع المشير وتكلم معه ولا اتصور ان علاقتك معه كانت سئية بل العكس الايام الماضية كانت زى العسل والقوات المسلحة بتعتبرك قائدها الجديد فليه الصدام وليه الصدام مع القضاء بالذات مع ان دول هما الي جابوك لو كانوا غير صادقين لما كنت فى المنصب ده لان صدقنى مافيش قاضى محترم فى مصر كان يتمنى وصولك لرئاسة الجمهورية
انت جيت علشان تنصف الشعب المصرى مش علشان اللعب ده
اولى بك يا رئيس مصر انت تحترم منصبك وتعرف مدى صعوبة مهمتك كى تستطيع ان تنهض بهذه الامة وكفايانا بقى قضايا ومشاكل واخوان عايزين وليبرالين رافضين كفاية انسى بقى انك اخوانى يا راجل ده انت فى مصيبة اسمها اقتصاد وفوضى وامور احرى اولى لك ان تهتم بها لو فسلت لا قدر الله عقاب الشعب سيكون عسير

ازاى يعنى عين العقل
يعنى عين العقل انك ترفض تنفيذ حكم قضائى ؟
يعنى القاضى قال مجلس الشعب زائل يعنى لم يكن له وجود لان الانتخابات كانت غير دستورية يعنى الاغلبية دى جت بالطريق الخطأ يعنى لو كانت الانتخابات دستورية لما كان المجلس الشعب بهذا التقسيم الحالى يبقى تكمل على غلط ونفضل 6 اشهر نعمل فى قوانين الناس اصلا الي بتصدرها هم باطل ومبنين على باطل
+ ان المجلس لا يمكن ان ينقعد فى ظل بطلان الثلث يعنى ماينفعش الثلثين يصدروا قوانين ده لو كان زى الاول لما كان الاخوان بيقولوا ان الحكم هيبقى بحل الثلث فقط وهم نفسهم قالوا ان لو المحكمة حكمت بالثلث يبقى المجلس لن ينعقد حتى يتم وضع دستور جديد ثم يتم اعادة انتخاب الثلث
فواضح ان الامر ليس مسالة فراغ تشريعى
وهو مجلس الشعب من ساعة من اتى بقاله اكثر من 6 اشهر كان عمل ايه ؟ ماهو كانوا بيقولوا ان الحكومة هى الي فى ايديها كل حاجة
يبقى لازم نفهم انه الطمع مش اكثر وبان جدا النهاردة لما الدكتور الكاتاتنى اتى عشر دقائق كى يحيل ملف قضية الحل لمحكمة القضاء الادارى وبعد كدا رفع الجلسة يعنى علشان يعاد النظر فى حل البرلمان يبقى بانت هما كانوا عايزين يرجعوا ليه
هما مش عايزين يرجعوا علشان الفراغ التشريعى لانه كدا كدا بعد اربع اشهر هميشوا من البرلمان وما حدش هينتخبهم تانى

اما حق الرئيس
الرئيس لديه واجبات تنفيذ حكم قضائى هو واجب من رئيس الجمهورية وان رفض تنفيذ حكم قضائى فان القانون يعاقبه بالحبس او الغرامة مع عزله من منصبه ده اى كان
القضاء احترم منصب الرئيس اليوم ولم يتصدى له بالقانون ولكنه تصدى للقرار وكان فى ايديهم ان يصدروا قانون بعزله عن منصبه لان رفض تنفيذ حكم قضائى

هو احنا هنرجع نقول يحبسهم كلهم ويضع نصفهم فى السجن انتوا اشتقوا لحسنى مبارك !!
هو لما يقول الجيش لازم ينقذنا ويعمل انقلاب يبقى دى شتيمة او سب وهو لسة فى قانون اسمه محاولة قلب نظام الحكم !!! احنا هنرجع للايام دى تانى
اتصور ان الهجوم كان على قدر الفعل الرئيس كانت الناس كله بتدعى له وكان الشعب متفائل بيه الهجوم عليه كان بسب هذا الفعل

للاسف الاخوان بتكرر نفس النتيجة اول ما بيوصول ا للسلطة بيبقوا شايفين نفسهم بس وبيعملوا الي عايزنه
وأول ما السلطة بتروح منهم بيرجعوا للناس تانى وبيقولوا نبدء صفحة جديدة


ياريت نفوق شوية ونتعلم من الي فاتت دول سنتين يا عالم وشوفنا بنفسنا مين باعنا ومين وقف جنبنا
بسقط حكم العسكر ويسقط حكم المرشد
احنا ليه دلوقتى بنفضل واحد على واحد ده غلط وده غلط

طيب انا عندي سؤال هنا..
ينفع الرئيس يصدر قرار بموعد الإنتخابات البرلمانية الجديدة دون استفزاز الناس بمواجهة القضاء؟!

كلام سليم... انا حاسس ان من كتر مشاكل مصر الرئيس مش هيقدر يكمّل فترة رئاسته اصلا !!

ياحبيب قلبى أنت قلتها بنفسك
المحكمة الدستورية تفصل فى قوانين و ليس ما يترتب عليها يعنى حكمها نفسه باطل فكيف تطالب بالعمل يحكم باطل و تصرف الدكتور الكتاتنى فى إحالتها للقضاء الإدارى قرار حيادى تماما و صح الصح و أى تصرف غير ده كان هيبقى ضرب من الهزلية و التهريج ﻷنه بكده أعطى مسألة الفصل فى عضوية مجلس الشعب للجهة المختصة مش للجهة اللى بتتكلم بمزاجها
للمجلس الحق فى الإنعقاد فى غياب مالا يزيد عن الثلث يعنى الإنعقاد صحيح تماما و قانونى و اللى يقول غير كده يبقى مش بيتكلم بناءا على قوانين
لو كان المسألة طمع زى ما بتقول مكانتش هتبقى عودة مؤقتة للمجلس بل كانت هتبقى عودة لحين إنتهاء فترة الأربع سنين كلها

و بلاش تضخيم للكلام بدون داعى يعنى إيه الإخوان قالوا مش هنرشح للرئاسة ورشحوا ؟ أى حد عارف ألف باء سياسة هيعرف كل خطوة بيعملوها ليه و هما كانوا عايزين يضعوا منافس قوى لعمر سليمان لضمان عدم وصوله ... هل تتصور أنهم قالوا مش هنرشح حد و هما عاملين حسابهم يرشحوا عشان يبانوا كذابين ؟؟؟ فين العقل فى كده ؟

و كذلك بالنسبة لمجلس الشعب فين العقل فى أنه يوعد بحاجة فى إيد الناخب مش فى إيده ؟؟؟ هذا الكلام كان تكهنات و ليست وعود

وعشان تاخد نسبة معينة لازم ترشح نفسك فى نسبة أكبر للحصول على النسبة المنشودة فى حال الخسارة فى بعض الدوائر
كمجرد مثال هل الطالب اللى عايز يعدى فى مادة و السلام هيحل نص الإمتحان و يمشى و خلاص و اللا هيحل بزيادة تحسبا لوجود أخطاء ؟

أحكم بحيادية و بدون تعصب هتلاقى الكلام ده مظبوط و الغالبية العظمى من الشعب موافقة على قراره أو غير معترضة على الأقل

أنا أسف إنى بقولك الكلام ده لكن التعصب واضح و بقوة فى كلامك
يعنى إيه اللى بينادى بالإنقلاب على الرئيس بيقول للجيش إنقذنا ؟؟؟و ينقذنا من إيه ؟ يعنى أنا من حقى أنادى بتصفية قيادات الجيش بحجة إنى بقول للرئيس إنقذنا من هيمنة المجلس العسكرى ؟ هذا كلام غير مقنع أبدا بالمرة

المستشارين انفسهم قالوا ان القضاء الادارى يفصل فى عضوية الافراد وليس فى دستورية القوانين دستورية القوانين يفصل فيها المحكمة الدستورية وهذا ما فعلته
المحكمة فصلت ان الانتخابات كانت باطلة وهذا حدث ايام حسنى مبارك فى 84 و فى سنة اخرى بعد ذلك يعنى هناك سابقة من هذا النوع اذن فالمحكمة من حقها وبلاش تسمح قناوات الاخوان اسمع المستشارين انفسهم والي قالوا ان المحكمة صدرت ما يحق لها
ثانى حاجة
لما رئيس المجلس الشعب المنحل يأتى اليوم ويجلشس عشر دقائق ثم يرفع الجلسة من اجل احالة القضية برمتها من جديد للقضاء الادارى اذن هما لم ياتوا من اجل الفراغ التشريعى انما من اجل رفضهم لحل البرلمان يعنى ضحكوا عليك لما قالوا لك نرفض ان يكون التشريع فى يد المجلس العسكرى ولكن فى النوايا امور اخرى
بالضبط كما فعلوا من قبل وما تسميها انت سياسة هل السياسة هى الكذب وهل لازم تخدع الناس من اجل تحقيق مصالحك الشخصية ؟ انت مخطىء للاسف هذه ليست السياسة


انا ارفض السب للرئيس او اى فرد من افراد لشعب بس اعزر الناس وانفعالهم لان بصراحة حاجة تجنن
وانت بتتكلم عن الناس ليه وبتتكلم باسم الشعب وعلى اى اساس بنيت ان الاغلبية معه فى هذا القرار اذا كانت الدنيا كلها قامت رافضة هذا القرار مافيش غير بلطجية الاخوان هما الي نزلوا يهللوا

الاشتغاثة بالمجلس العسكرى لا يحاسب عليها القانون فعلى اى اساس يحبسهم

وكمان من رفض تطبيق القانون هو من يجب ان يحاكم


عموما الموضوع انتهى والحمد لله والقضاء نهى الموضوع بتأكيد الحكم

لا انا والانت خبراء فى القانون بس اسمع خبراء القانون وانت ستعرف اين الصح من الخطأ

طول عمرى كنت باقول لاصدقائى من الاخوان ان طمعهم فى السلطة سيفقدهم كل شىء وبالفعل
طمعوا فى انتخابات مجلس الشعب عندما صمموا على اصدار قواني وضغطوا على المجلس العسكرى من اجل اصدار قوانين تشهل عليهم الوصول للانتخابان وحصد اغلب المقاعد وبعد ذلك بسبب هذا الطمع فقدوا المجلس كله

والان بسب طمعهم فى اعادة المجلس مرة اخرى سيخسروا الرئاسة

سبحان الله نهج الحزب الوطنى تماما اتمنى ان لا تكون نهايتهم مثله لانه بجد فى ناس كثيرة منهم لا تستحق سوى كل خير

لم أتكلم باسم الشعب بل نقلت إحصائيات تكلم فيها الشعب و نقلا عن حركات ثورية ذات أعداد ضخمة
الحركات و الأحزاب المؤيدة عددها كبير فضلا عن عدد أعضاءها أنفسهم أما المعارضين فعددهم كأحزاب أيضا كبير لكن أعضاءهم و أنصارهم قلة لا وزن لهم
أنظر هنا
http://gatenews.net/component/acepol...-15-02-33.html

و هنا
http://gatenews.net/component/acepol...-15-02-33.html

إبحث عما شئت من إحصائيات و أنظر للنتائج

لذلك المعارضين للقرار يرفضون إستفتاء الشعب على عودة المجلس تخوفا من عودته رغما عن أنوفهم ... هم فقط يريدون حله وفقا لرغبتهم هم فقط لا أكثر !!!

الاول ندور على اختصاصات المحكمة الدستورية وبعدين تشوف مين اللى تعدى على التانى
المحكمة الدستورية ليس من حقها اصلا حل المجلس هى فقط تصدر مراسيم بدستورية او عدم دستورية القوانين
اما قرار الرئيس لم يتعرض لها وهذا بشهادة المستشار ماهر رئيس المحكمة الدستورية الحالى

اللى عمله مرسى هو الصح لعودة صلاحياته اليه من مجلس العار المجلس السمكرى
وكانت فين الغضبه دى لما المجلس العسكرى هرب الامريكان رغم القضاء ؟؟

والشعب كله مع الرئيس فى اللى عمله وهتشوف ميدان التحرير هيبقى عامل ازاى يوم الجمعه الجايه ان ماكانشى اتملا من دلوقتى

والغريبه ان الرئيس يعمل كده تقولوا بيولع فى البلد وبيتصادم مع العسكر ولو ماعملشى كده هتقولوا انه متواطىء مع العسكر وفى صفقات فى الغرف المغلقة
من العار ان نترك الرئيس يحارب وحده جيش الفلول واحنا ساكتين لا وكمان بننقد قرارة
راجع نفسك ياعم الحج وسيبك من الاعلام الفاسد بتاعنا

انت بتجيب الكلام ده منين ؟
انا صحيح مش مع الاخوان خالص ولا بحب منهجهم انما الكلام ده مالوش اى اساس من الصحه
كل القصه المجلس العسكرى هو اللى عمل قانون انتخابات مجلس الشعب وعملوه كده مخصوص علشان فى اى وقت عاوزين يحلوا المجلس يحلوه تهديد للاخوان طبعا لو المجلس ماجاش على هواهم
ولما المجلس ماجاش على هواهم عملوا الحركة دى لا وكمان امتى اخر يوم فى الانتخابات بعدها بحوالى 4 ساعات عرفنا ان مرسى بقى الرئيس وطبعا راحوا عاملين الاعلان الغير دستورى المكبل
ده اى كلام فى اى بدنجان واللى لسه مع المجلس العسكرى وبيخون اى حد تانى يبقى عايش فى الوهم
الرئيس دلوقتى رغم اختلافنا الفكرى معاه الا انه بيثبت حسن نيته وانتمائه للشعب
واحنا لازم نكون معاه ومانسيبوش يحارب لوحده

وانا شايف انه مش كده وبس لا الموضوع محتاج حل المجلس العسكرى كمان لانه اجتمع من غير اعلام القائد الاعلى للقوات المسلحة اللى هو الرئيس حسب الدستور وده معناه انقلاب عسكرى يعنى مرسى يسجنهم وهو مطمن

واخيرا اللى بستغربله ان ازاى فى ناس بتشجع ان السلطه التشريعية تبقى فى يد العسكر وليست فى يد مجلس الشعب المنتخب ؟؟؟
مش برده كنا بنقول زمان يسقط يسقط حكم العسكر ؟؟

كلام مظبوط
لكن بالنسبة للنقطة الأخيرة فهذه أراء يختلف فيها الناس و لابد من وجود من يعترض فهذه سنة الحياة

لكن معارضة هذا الزمن تصل إلى حد السفسطة و الكلام الفارغ من أى موضوعية ككلام عكاشة و الزند و أمثالهم فضلا عن الأكاذيب

ياترى ايه اللى اتغير دلوقتى وخلى الدستورية جهة سياده ؟؟؟

انا معاك يا ميدو ان المجلس العسكرى لازم يتحل بس مجلس الشعب اى كان القاضى الي حكم عليه متواطىء غير متواطىء هو حكم قضائى
هل تذكر كيف كانت القوات المسلحة ايام الثورة وكيف كانوا يفخرون بانفسهم وكيف كنا نفتخر بهم الان الجيش معنوياته اصبحت ضعيفة واتهان كثير دون قصد بسب المجلس العسكرى
ما يحدث الان هو تمام ما حدث مع المجلس العسكرى تدمير القضاء تماما وروحاتهم المعنوية لما القضائة يطلعوا فى التلفاز ويقولوا لو القانون ده رجه احنا هنقعد فى بيوتنا ولما كل الاهانات دى تحصل لهم ويجى محامى ما يسواش تعريفة يقول لقاضى المحكمة الدستورية ان المحكمة مزورة ويطلب رد المحكمة
اولا فى القانون يا ميدو رد المحكمة له شروط من هذه الشروط ان يكون طلب الرد قبل المرافعة
الاخ المحامى بتاع الاخوان النهاردة طلب الرد بعد ما اترافع واتهم المحكمة بالتزوير لذلك المحكمة لم تلتفت لطلب رد المحكمة لانه كان غير قانونى ولم يتوفر فيه الشروط انت عارف انحنا ليه دايخين بقالنا سنتين لاننا ماشين بالقانون كان ممكن نستغنى عن الحاجات دى كلها ونطبق الشرعية الثورية ويتعدم مبارك ونعمل انتخابات ونمنع شفيق ونخلص وكان نجح دلوقتى حمدين او ابو اسماعيل لو كنا هنمشى بالقانون الثورى احنا اخترنا القانون وطريقة علشان كدا واحد بيقلك ده من صلحيات الرئيس وواحد تانى بيقلك ده المفروض يتحاكم او يتعزل لان القانون كل حوارى ضيقة وكل واحد على حسب تحليله الي بيفرق بينا وبيقول مين الصح ومين كلامه الي هيمشى هو القضاء
من غير القضاء فى دولة القانون الي احنا اخترناها يبقى اصبحت دولة الفوضى يا صديقى

الامر الاخر
المجلس العسكرى ليس هو من اصر على اصدار القانون المجلس العسكرى قبل انتخابات التشريعية طلب من الحرية والعدالة ان يتنازلوا عن قانون القوائم الذى طالبوا به وبعدها وقف معهم الاحزاب الاخرى وعندما رفضوا قال لهم ان هذا القانون ستتسبب فى بطلان الانتخابات ولكنهم اصروا ونزلوا فى مليونية
انا مش هاقدر ادور على اللقئات الي كانوا بيقولوا فيها الكلام ده وبيشرحوا بس كله موجود على النت وموثق

احنا كلنا نفسنا مصر تتحسن بس هل عودة مجلس الشعب 4 شهور هى اولوليان الرئيس
الرئيس فى يده جميع السلطات هل رأيت كيف تعامل مع المجلس العسكرى ويظهر ان فعلا دكتور مرسى هو رأس الدولة
اتصور ان الدكتور مرسى لو رأى امر واحد من المجلس العسكرى سنعرف ولكن ما يبدو حتى الان انه يملك الصلحيات ولكنه عندما اتخذ اول قرار هام هذا القرار كان عبارة عن تصادم مع القضاء
هل نحن فى حاجة ان يجلس القضاة فى منازلهم وبالتالى يجلس المحامين فى منازلهم وبالتالى فى اسبوعين ربما يكون مليون مصرى فى السجون لانه لا يوجد قضاء ولا توجد نيابة + ان الشرطة قلبها رهيف الايام دى يبقى هل ده قرار صحيح
وهل صلاحيات الرئيس هى مخالفة القانون
اى كان ظالم عادل انما ده قانون هل يجوز مخالفته !!؟


هى فيها ايه لما الرئيس يبدء فى تعين الحكومة الاول ويعمل ويبدء ثم اذا واجهته مشكلة فى تشريع قانون او رأى ان المجلس العسكرى يعرقل طريقه ساعتها يكون على اسباب انما الان الاسباب واضحة هى انتمائه للاخوان المسلمين ومحاولة التحايل على حكم المحكمة

وهل صلاحيات الرئيس هى التشريع فالرئيس من الاساس ليس لها علاقة بالتشريع التشريع يعنى نعمل قانون للضرائب للتعليم لل لل لل
وهذه وظيفة مجلس الشعب من حق الرئيس ان يوقع عليه او ومن حق الرئيس ان يناقش قانون فى مجلس الشعب كلا يوافق عليه المجلس
فما المشكلة ان يبدء وان احتاج لقانون يلجأء للمجلس العسكرى للتصديق عليه وعلى فكرة بالنسبة له هتبقى اسهل من ان يناقشه مع 500 شخص فى المجلس

انا ضد ان يكون التشريع مع المجلس العسكرى بس انا ضد عودة البرلمان والاهم ان ضد مخالفة القانون انا اتعلمت كدا وعشت كدا وده الصح
غير كدا يبقى احنا داخلين على طريق مش بتاعنا خالص


الاخ روح الايورو استفتاء على أيه ؟ على حكم محكمة ؟ على دستورية مادة فى القانون ؟ هو فى كام واحد فى مصر يعرف يعنى ايه دستور اصلا
يعنى استحلفكم بالله يا جدعان ده اسمه عقل
يعنى هل يصلح ان تستفتى الشعب فى امور قانونية شديدة التعقيد لا انا ولا انت نفهم فيه يبقى اكيد اكيد احنا رايحين الى حافة الهاوية

معقولة يا جدعان عايزين تعملوا اتسفتاء على حكم محكمة او دستورية قانون ؟
انا مش مصدق نفسى انى باسمع الكلام ده من ناس متعلمة

أخى رجل السماء أولا أنا إسمى ليس روح اليورو بل هو مجرد اسم عشوائى بلا معنى محدد

بالنسبة للقوانين أو الدستور هى مش كيميا بل مجرد نصوص ذات مصطلحات لغوية معينة يفهمها أى شخص لكن البعض يفسرها على هواه وقد رأيت بنفسك إنشقاق القضاة و القانونيين فى هذا الامر و هذا دليل على رغبة البعض فى التفسير بالشكل الذى يرضى توجهه

بالنسبة للإستفتاء على عودة مجلس الشعب فهذا أجده أمر عقلانى ﻷن السلطات هكذا بالترتيب القانون فوق الجميع (فى حالة تنفيذ القوانين و ليس تشريعها) و الدستور فوق القانون و إرادة الشعب فوق الدستور
لذلك أسقط الدستور بإرادة الشعب و ظهر ما يسمى بشرعية الميدان و كل شىء سار على هذه الشرعية حتى الأن لحين وضع الدستور و بناءا عليه يحق للشعب الإستفتاء علي عودة مجلس الشعب
و لا تنسى أن الشعب هو الذى يقرر إن كان الدستور سيخرج للنور أم لا و هذا أقوى دليل على أن الإستفتاء هو أفضل شىء يمكن عمله الأن و أكثرها حيادية