طب قول اسمك

يا اخى ... انت فى بلد الامية فيها للركب وعايز تسفتيهم على القانون وهى مش على القانون بس ده حكم قضاء

يعنى احنا بقا نعمل استفتاء كمان اذا اردنا ان نعدم حسنى مبارك والاده العادلى ماهو احكام القضاء ينفع نستفتى عليها
وهيبقى استفتاء اشرف بكثير وانبل من استفتاء على اعادة مجلس الشعب
وهو احنا بقى فاضيين كل شهر الناس تنزل تدلى بصوتها
مش معقول الديمقراطية دى يا راجل

وممكن نعمل حاجة احسن احنا نستفتى الشعب اذا كنا عايزين مرسى ولا نعيد الانتخابات من الاول وشوف الناس هتقول ايه

وممكن نعمل استفتاء تانى وثالث ورابع ماهو القانون اترمى فى سلة الزبالة واصبحت الكلمة للشعب
ده اذكى شعوب الارض لا تستطيع العيش بدون القانون

يا جماعة الموضوع سياسة في سياسة لا ليه دعوة بقانون ولا بطيخ ..فاكرين ايام ما كنا بنقول حسني يتنحي قالك مينفعش طب مين يمسك ؟ هندخل في فراغ دستوري وكلكعولنا الموضوع قانونيا عشان يضحكوا على الناس ويقعد مبارك .. نفس الموضوع دلوقتي

المحكمة الدستورية اكتشفت ان قانون انتخابات مجلس الشعب غير دستوري .. طيب ما تحكم بأن القانون غير دستوري وبس .. لكن تحل مجلس شعب منتخب ..دي واسعة جدا ... ده اللي تداخل بين السلطات مش اللي عمله مرسي
والمستشارين الترزية دول برده هم اللي عاملين قانون الانتخابات غير دستوري من الاول عشان يحلوا بيه المجلس لما يحبوا .. مش عارفين بلدنا ماشية ازاي ؟
فاكرين ايام ما كان بيبأ في طعون بالمئات على المجلس ويقولك سيد قراره ... لكن ده مجلس منتخب انتخابات نزيهة ومش سيد قراره !!

الرئيس عمل القرار الصح ..الناس بتطالبه يطهر الشرطة ويعمل حاجة في البلد في الازمات الطاحنه دي بنزين وعيش وغلاء وهو هيعمل قوانين ازاي يطهر ويبني من غير مجلس يشرع القوانين دي ؟ والتشريع يروح للعسكري معناه لازم يدخل في صفقة مع العسكري عشان يمشوله القوانين اللي يقدر بيها يشتغل ولو عمل كده الناس هتقول اهو زيه زي الفلول ايه الفرق ؟ الراجل بيعمل الصح مش عاجب طب يعمل ايه يعني ؟

والحل دلوقتي يدعو هو لانتخابات جديدة لمجلس مش هيقغد اكتر من ست شهور لغاية الدستور الجديد و 2 مليار يروحوا على الارض في مجلس جديد مش هيختلف كتير عن الحالي .. او الشعب يدعم مرسي في بقاء المجلس الحالي الشهور المتبقية حتى الدستور وحل المجلس والانتخابات الجديدة ؟

الرئيس الحالي والله انا متفائل بيه جدا لكن بالطريقة دي احنا محلك سر هيشتغل ازاي الراجل وهو ملطشة كده وهيفضل صراع السلطة قائم براسين في البلد والمركب اللي ليها ريسين تغرق

رأيي ادعموا رئيسكم يا جماعة وادوله صلاحياته كاملة وبعدين حاسبوه بعد الاربع سنين محاسبة عسيرة ...لكن الناس كلها ضده وبعدها عايز تحاسبه عمل ايه ؟ مش يتضحك علينا بكلمتين هيسطروا على البلد وهيخدوا كل السلطات .. ما يخدوا بس يورونا هيعملوا ايه وميكونش لهم حجة وبعدها نتحاسب وندي فرصه لحد جديد يكمل بعدهم وهكذا
فكروا صح بالله عليكم ووعوا الناس

http://www.youtube.com/watch?feature...&v=2KXvbWfTN2U

شوفوا الفديو ده ... اسماء محفوظ

احلى حل كتبوه الناس على الفيس بوك .. ان رئيس الجمهورية اصلا من حقه حل المحكمة الدستورية واعادة تشكيلها لانها كانت بتتعين عن طريقة مباشره ... بلدنا ماشية كده قاضي بيتعين بقرار رئيس جمهوريه "اللي هو حسني مبارك اللي معينهم يعني وليه فضل عليهم" وتقولي قانون ؟
قانون ايه يا جدعان اللي يسيس بالطريقة دي ؟

والله انا شايف ان البلد معظمها فاهم كويس وهتشوف الكلام ده مترجم فى التحرير ان شاء الله
انما المشكلة فى الاعلام الفاسد اللى بيحسسك ان دول زى دول ويروح عند النصب التذكارى ويقرب الكاميرا من الناس ويحسسك ان الميه ولا المتين اللى هناك مليون

مرسى الان امامه الفرصه كاملة
ينزل التحرير يوم الجمعه ويعلن حل المحكمة الدستورية وانتخاب محكمة جديدة وحل المجلس العسكرى وانتخاب مجلس جديد وتشكيل حكومة
وطبعا يكون مظبط من الاول القبض عليهم او تقليص فرصهم فى السيطرة او الهرب لاى مكان
وبمساعدة قائد الحرس الجمهورى زى ما السادات عمل

ده مشا عارف حتى يفرج عن المعتقليم رغم ان مبارك والسادات اول ماستلموا افرجوا عن كل المعتقلين فورا
مجلس عار بيتحكم فينا بلا قرف
ولع فيهم ياريس واحنا معاك ان شاء الله

انت شايف أنا أنزلهم ولا تتعامل انت معاهم وخلاص ؟؟

أكدت رئاسة الجمهورية بالغ احترامها للدستور والقانون وتقديرها للسلطة القضائية ولقضاة مصر الشرفاء والتزامها بالأحكام التى تصدر عن القضاء المصرى وحرصها البالغ على إدارة العلاقة بين سلطات الدولة ومنع أى صدام.

وقالت فى بيان صادر اليوم: "إننا نؤكد على أن قرارنا رقم 11 لسنة 2012 بسحب قرار حل مجلس الشعب وعودته لأداء عمله وإجراء انتخابات مبكرة خلال 60 يوما من وضع الدستور الجديد وقانون انتخابات مجلس الشعب، كان الهدف منه هو احترام أحكام القضاء وحكم المحكمة الدستورية".

وأوضحت رئاسة الجمهورية - فى بيانها - أن الهدف أيضا كان فى ذات الوقت اختيار الوقت المناسب لتنفيذ الحكم بما يحقق مصلحة الشعب وصالح الوطن، ويحافظ على استمرار سلطات الدولة وخاصة مجلس الشعب المنتخب فى القيام بمهامه حتى لا يحدث فراغ فى سلطة التشريع والرقابة.

وقال البيان "إذا كان حكم المحكمة الدستورية العليا الصادر أمس قد حال دون استكمال المجلس مهامه فسنحترم ذلك، لأننا دولة قانون يحكمها سيادة القانون واحترام المؤسسات، وسيتم التشاور مع القوى والمؤسسات والمجلس الأعلى للهيئات القانونية لوضع الطريق الأمثل للخروج من هذا المشهد من أجل أن نتجاوز معا هذه المرحلة التى تمر بها البلاد ونعالج كل القضايا المطروحة، وما قد يستجد خلال المرحلة المقبلة ولحين الانتهاء من إقرار الدستور الجديد".

http://www1.youm7.com/News.asp?NewsI...D=65&IssueID=0

لا خليك انا نازل كمان اسبوع لما نشوف هترسى على ايه
شكله هيرجع فى كلامه

قرار سليم لأنه كان غلط من الأول يلعب اللعبة دي!

هو فين القرار ؟ انت فهمت ايه ؟

انا مش هخش في كلام عن القانون و الدستور لأن مش تخصصي ... انا بقول رأيي الشخصي و استنتاجي لنتائج قرار مرسي بعودة البرلمان.