طيب مهي طول عمرها كده يعني ده الطبيعي
اه هو الغريب بقه
فكرتني في عهد عمر بن الخطاب رضي الله عنه في ذات يوم إذ كانت الشمس في هذا اليوم لا يطيقها بشر وغبار الرمل لا يدع المرء ان ينظر امامه إلا بضع مترات قلائل فإذا برجل يمشي في الطرقات متجه إلى خارج المدينة فلما رأه عثمان بن عفان رضي الله عنه من شرفته ارسل في اسره غلامه ليدعوه إلى الدخول من حرارة هذه الشمس فلما لحق به الغلام وجده عمر بن الخطاب كان يبحث عن بعير قد تفلت من بيت مال المسلمين ووجده يردد بقول (يا ويل عمر لو سأله ربه عن هذا البعير)
وافكرت الموصلات وعربيات المسؤلين الباشا اللوز راكب عربية ثمنها لا يقل عن ثمن 3 اتوبيسات هيئة نقل عام وماشي جمبها بتاع عربيتان غير المتسكلات يعني بتشريفت سيته ممكن نحل جزء من مشكلة المواصلات
وياريت الموضوع يجي على اد كده ده لما يجي يعبر من منطقة المنطقة كلها بتقف ومفيش عربية ولا حتى مترورجل يعبر لحد لما الباشا اللوز يعبر
وصدق الذي يقول
إن مر يوم ركبه حراسه بلا عدد
منعوا التجول والمسير يا ويل شخص قد عند
ما بين عمر بن الخطاب وبين ...........
هوا انا اتجننت ولا ايه هل يمكن ان اقارن عمر بن الخطاب بهؤلاء
معزرتاً على الإطالة
كل اناء بما فيه ينضح
إذا جائتك الضربات من اليمين ومن اليسار فاعلم انك من أهل الوسط
ياعم حسام الله يهدينا ويهديك
أنا من مصر
ومن شبرا كمان
وعلامة الإستفهام عشانك لأن واضح إن موضوعاتك الأيام دى كلها تهكم ونقض وواضح إنها لها تأثير سلبى عليك وعلى نفسيتك
فعليك بالهدوء قليلاً وقراءة القرآن وإن شاء الله ها تتعدل
إن بعد العسر يسرا
لكن عندما يبدأ كل واحد بنفسه
ولا يغير الله ما بقوم حتى يغيروا ما بأنفسهم
طيب ممكن نقلبه سياسه
علي فكره يا حسام انا ادليت بصوتي في الموضوع الي كان مافيهوش تصويت
ودخلت علشان اشوف كم واحد بايد افكاري
لاقيت الموضوع بقي اسفل الصفحه
روحت رافعه للاهميه طبعا
لاكن دخلت تاني لاقيته اتحذف
مع اني كنت فرحان بيه قوي
بلاد الكوارث
حيث جميع الشعب وجلاديه يبحثون عن العقل والقلب والشجاعه المفقودين
لكن للاسف لاوجود للساحر اوز
وتنتهي القصه بفقد الحذاء الاحمر
وتبقي اليس في بلاد الكوارث للابد مدونتي
هههههههههههه
الناس دى انا شفتها فين قبل كده ؟؟؟؟
افتكرت ايام الكليه فى عز الحر تلاقى الاتوبيس جاى من بعيد لونه احححححححححمر وتحس انه خارج من الفرن ملتهب
تبص جواه تلاقى ناس مشويه ........وناس مقليه... وناس مسلوقه
وممكن تلاقى فى حد لازق فى العجل ومتحلل
ويا سلام بقه بعد ما تركب ....
فى الاول تحس انك فى سونه وبعدين الامر يتطور انك تحس ان البنطلون اتحرق تماما وفى الاخر تطلع انك كنت قاعد على الموتور لانه مفيش ارضيه للاتوبيس كله كوم واشره كوبى الجامعه كوم ممكن تقعد يومين بلياليهم لما يفكروا يغيروا الاشاره طبعا بتكون اما اتحللت او اتسلقت
سمارت
فكرتنى يا سمارت انا كنت محتار فى الاختيارت
وبعدين قلت هختارك اختيار محدش اختاره
بس هو الموضوع راح فين.....
لن تركع امه قائدهامحمد(صلى الله عليه وسلم)
بارودتى بيدى وبجعبتى كفنى ياامتى انتظرى فجرى ولا تهنى
بعقيدتى اقوى ابقى على الزمن ...حصنى اذا عصف به موجة الفتن
الحقيقة يا حسام انت مواضيعك عن عرض سلبيات مصر كثيرة و زيادة عن اللزوم .
أنا أسف ، إنت عارف اني باحترمك بس دي فعلا حاجة مش قادر أفهمها ، يعني جلد ذات و لا عاوزين نفرج الناس علينا و لا ايه مش فاهم ؟
من موضوع عن الدش مطلعنا فيه شعب قذر شهواني .. لعربية الناموس.. لمصر ام المشاكل و غيرهم كثير بس دول اللي قدرت افتكرهم ..
و مش انت بس ، الحقيقة للأسف الشديد هناك كام عضو مصري بيعملوا نفس الكلام .
و تلاقي عضو ثاني من دولة أخرى الله يسامحه يقول لك بشماتة كلام من عينة ( أو ما معناه) " ماهو عشان بتبعدوا عن ربنا" ، و " عشان مصر لا تحكم بكتاب الله " و " تستاهلوا اللي يجرالكوا" ، متناسين أن رسول الله قال "في رباط الى يوم القيامة".
و لما كتبت موضوع عن دولة اخرى كالسعودية مثلا كان عنوانه " مملكة الانسانية " ، ليس لدي مشكلة مع هذا بل أحترم المملكة و أهلها . بس فعلا قلبي بيتحرق على البلد لما الاقي كلمة جاية من هنا و كلمة جاية من هناك.. بتصعب علي بلدي من جحود و نكران أبناؤها بهذا الشكل المخيف ، إذا كنتوا بتكرهوها قوي كده يبقى هاجروا احسن و سيبوا البلد للناس اللي بتحبها بدون مقابل .
أنا متفهم انك زهقان من البلد و عارف و معترف ان البلد بها سلبيات كثيرة و كلنا زهقانين و طهقانين ، بس انت ماجربتش الغربة و حرقة القلب بعيد عن مصر ، ساعتها كل السلبيات دي حاتهون .
و بعدين اذا كان جيل الشباب مستسلم و بيشتكي بالشكل ده تبقى مصيبة سوداء.. صناع الحياة ايه بقى .. كده مافيش حاجة حاتنفع معانا .
و الحقيقة انه في المنابر مسموح نتكلم عن سلبيات دول أه و دول لأ ، انا متفهم وضع المشرفين و ان مناقشة السلبيات في بعض الدول قد تسبب لهم المشاكل لا قدر الله . و لكن أيضا أتمنوا أي يراعوا هذه النقطة و يراعوا مسألة أن هناك ناس تتأذى و تتألم من المواضيع السلبية عن بلادها .
مع احترامي و أسف اذا كنت ضايقت حد ، بس فعلا نفسي اقول الكلمتين دول من زماااان، حتى اسألوا العضو "طارق ".
والله يا إخوننا العرب
كل المصريين بيحبوا مصر بالرغم من اللي عايشينه فيها
بس المشكله إن الحب من طرف واحد
يعني مصر ماتحبش المصريين زي ما المصريين بيحبوها
وبالرغم من إن نسبة كبيره من بسطاء المصريين شاعرين بالظلم والقهر الواقع عليهم
وبالرغم من المشاكل التي يعيشها رجل الشارع المصري
وبالرغم من كل التعقيدات السياسية والمشكلات المحليه والإقليمية المتفاقمة حاليا
إلا إن بداخل كل مواطن مصري حب كبير لبلده
وأظن أن الحال نفسه مع كل الإخوان العرب
وللا إنتم شايفين غير كده ؟؟؟؟
أنا عارف ان ليك مواضيع جيدة عن مصر و مدينة المنصورة تحديدا .
بالنسبة للانتقاد ، الانتقاد في منتدى عربي و نشر غسيلنا أمام العالم لا حيودي و لا حايجيب و لا هو تحضر و لا ليه علاقة بالحضارة.. حتى الانتقاد بيننا و بين بعض برضو لا حيودي و لا حايجيب .. بقالنا خمسين سنة من ايام الثورة المباركة بننتقد و مابنعملش حاجة... و صدقني فيه أمل و الناس قامت و فاقت أخيرا و بطلوا يقولوا " احنا مالنا" و " هي كانت بلد أبونا" و بقوا يعملوا مظاهرات ضد الطغيان و القهر و إن شاء الله الأمور حاتبقى أحسن .. ماعرفش إذا كنت باحلم بس أنا عندي أمل كبير لأن اللي بيحصل في مصر اليومين دول ماحصلش من زمان .
مرة أخرى أكرر أني أكن لك احترام و محبة في الله ، مواضيعك ممتازة بس كل ماتطلع بموضوع من دول أقول " ليه بس يا حسام"
تعليق