أبو اسلام باشا
والله وحشنى جدا جدا جدا
المنتدى بجد نور
انا داخل كدة كدة
و هشرب حمص الشام
بس مقولتش انت تشرب ايه انا عزمك

رجعت تاني ،،،،،،،،،،

معقولة ياشباب
فى ناس مش فاهمة الموضوع لحد دلوقتي
طيب خير
ياريت بس يتابعوا الموضوع ويصفوا نيتهم لله
أكيد هاتفرق
طبعاً المية لما تكون صافية لله بتشوف الخير بسرعة
ولو غير صافية ممكن يبقى الخير قدامها ومش شايفاه
ما علينا
أنا عارف إنهم هايشوفه الخير ده بس كمان شوية

أحمد طلبة حبيبي
كيف أحوالك
وياترى كانت أخبارك إيه مع بلح السنة إللى فاتت
ياترى إحنا ابتدينا بدري ولا تأخرنا السنة دى
بصراحة أنا حاسس إننا تأخرنا شوية

ياترى النهاردة كم من رجب
ياريت إللى مش فاهم الموضوع يجيب نتيجة بسرعة ويقولنا النهاردة كم من رجب
وقرب بخلص ولا لسه فيه شوية

راجع تاني

انا بشم هوا الفجريه دلوقتي
ممزوجا برائحه قهوه الصباح ( بعدين نشوف باقي المشاريب )
عارف يا اخ ابو اسلام
اول مره شميت الريحه اللي بتقول عليها كان امتي
من حوالي 7 سنين
بدأت في رجب...وبلغت ذروتها في رمضان
احلي رائحه
احلي حلاوه
ولكن......
للاسف ...بقالي فتره مش قادر اشم نفس الرائحه ولا اشعر بنفس الحلاوه الخاصه بالمره الاولي


اتمني ان ييسر لي الله هذه الرائحه وهذه الحلاوه مره اخري

فالصدأ علي القلب...

اييييييييييييييييييييييه ....دنيا

انا خلصت القهوه
وخلصت المداخله
ومعكم
في الدردشه

كتبت دردشتي اثناء كتابتك
واضح انك بتشم هوا الفجر الان
تقبل الله اولا
و......
افتتح المشاريب

كلت كتير طبعا

اعتقد الوقت مناسب
بس للى عاوز يدردش

فعلا والله

ربنا يوفق

تعرف يانزال
إنك كل ما شميت الريحة بدري طولت معاك
اسأل أى حد من بتوع العطور كل ما العطر اتخزن كثير كل ما اتعتق كويس وريحته تفضل معاك لفترة
الموضوع ده كمان كده تبتدي بشهرين يفضل معاك شهرين ويمكن يزيد
يعنى تخيل إنت تبتدي من رجب وشعبان ياسلام ويدخل عليك رمضان وإنت فى الذروة بالتأكيد شوال وذى القعدة وذى الحجة هايكونوا معاك كمان لأن تأثير الريحة لسة موجود
بخصوص هوا الفجرية
كلنا بتمني يستمر معانا وكلنا بيجي علينا وقت يكون فيه تقصير
لكن هنا تيجي فائدة الصحبة يعنى لو معاك صاحب أو إثنين ساكنين قريب منك وحريصين إنكم تتقابلوا فى الفجر وتصحوا بعض إللى هايقصر فيكم هايلاقى إثنين يشجعوه ويرجعوه تاني
وياسلام بقى لو بعد الفجر قعدت شوية فى المسجد لوقت الضحى لكن ممكن يكون الموضوع ده صعب شوية فى غير أيام رمضان حسب ظروف الشغل وكمان لأن معظم المساجد بتقفل بعد إنتهاء الصلاة
لكن ممكن بعد الصلاة تتمشوا شوية لأقرب محل عصير قصب وجرب ودوق وعن تجربة أحلى شوب عصير قصب بتاع وقت الفجرية ده
طبعاً الكلام ده قبل رمضان إوعى
وبعدين روح على البيت إوعى تنام
إمسك المصحف وإقرا الورد بتاعك إن كان ربع أو أكثر وياسلام لو عندك بلكونة وتقعد فيها فى الوقت ده تقرأ الورد بتاعك
جو تاني خالص
زى الشباب ما بيقول " عيش اللحظة " هو لازم نعيش اللحظة إللى واللحظات الحلوة بجد ننساها
جرب وقولي

راجع تاني

رجعنا تاني
بص ياأبوحميد
أكيد فى كتير بيحب الدردشة لكن زى ما قلت لنزال كل واحد محتاج إللى يساعده وهنا دور الصحبة الصالحة
كلنا بنحتاجها وبنحتاج حد يساعدنا
وبالتأكيد لازم نكتر من الدعاء فى الصلوات علشان ربنا يثبتنا ونحاول نستمر
أخبارك إيه مع العرقسوس
على فكرة ده المشروب الرسمي عندى فى البيت تقريباً بدل المياه

راجع تاني

الحمد لله موجودة

اكيد طبعا

تقريبا شربته مرة او مرتين فى حياتى كلها

يا راااااااجل..........
هو في احلي من العرقسوس
طيب جرب كده تزيحه مره واحده وانت عطشان علي الفطار وهو متلج..يا سلااااااام
حا تنسي الدنيا...قصدي باقي المشاريب
بس طبعا ما تنساش ان تفطر علي السنه....تمر ..لبن..او ماء
صح كده يا ابو اسلام ...ممكن تصحح لي
انت اللي عازم


سعيد بصحبتكم ...وهذا الجو..الهادئ
مين حا ينزل بالمشروب الجاي

هجربه بس على ضمانتك انت و ابو اسلام

ايه يا شباب محدش عاوز يدردش
الكراسى الفاضية كتير

رجعت تاني
معلش تأخرت عليكم

إنت عارفين ياجماعة مشكلتنا إننا لا نخطط جيداً لأمور حياتنا مع إن التخطيط ليس بالصعوبة بمكان
يعنى إحنا ممكن نجمع من عدة أعمال بسيطة جداً وقد نكون نقوم بعملها يومياً بتلقائية ولكن نخسر منها الكثير لأننا لا نهيىء أنفسنا لها أو لا نعقد لها النية الصحيحة
نضرب مثلاً :: إنت رايح المسجد تصلي ، تمام
فى كل الأحوال خلاص إنت تعودت إنك تصلى الأوقات فى المسجد شىء جيد لكن ما المانع أن تعقد النية وأنت ذاهب إلى المسجد على الإعتكاف وطلب العلم والدعوة إلى الله وووو والكثير
كل هذا تستطيع أن تعقد النية عليه وأنت ذاهب إلى المسجد أنوى أن أعتكف فى المسجد فى الفترة التى أجلس فيها لأنتظر الصلاة أنوى أن أتلقى بعض العلم إن كان هناك درس علم فى المسجد
أو من كتاب من كتب مكتبة المسجد الدعوة إلى الله بدعوة صديق لى أو شاب أصغر مني سناً أو ما شابه ولكنى أراه يلعب أمامي وقت الصلاة ولا يصلى كل هذه وغيرها أمور بسيطة لن تأخذ منى مجهوداً كبيراً ولكن سآخذ أنا عليها حسنات جمة
أيوجد منا من لا يبتغي شيئاً من تلك الحسنات
إوعى حد يقولى مش محتاج أنا حسناتي كتير
حتى ولو حسناتك كتير فطبيعتنا طماعة فلنطمع بالمزيد وما أدرانا ما المزيد من وراء تلك الأعمال
ورب عمل صغير تعظمه النية ، ونية المؤمن خير من عمله .
النية ياجماعة عليها عامل كبير جداً فى قبول الأعمال إوعى حد ينسى .
أشرب عرقسوس
وأرجع تاني

وحشتنى مواضيعك يابو اسلام
انا نازل مشوار
ولما ارجع هكمل