و الله يا عزيزي محمد
بتمنى لك كل النجاح و التوفيق
و بتمنى لك كل الي تمنيتوا في حياتك
و ايضا ربنا يوفقك فريقكم مصر
مع انو امنتخب الوطني المغربي نام هاته السنة نوما عميقا

اولا: ربنا يقوييييييييك على الطلاسم بتاعت realflow ولكن انا عارف ان شاء الله ان انت هتقرقشه وهنشوف

عمل جامد جدا قريب وهتدرسه بعد كده...

ثانيا:
ده انا مستعد مستعد مستعد...

ومتحمس دى كلمه صغيره قوى كمان ... لانى من كتر الحماس مستعد آكل الkeyboard والmous كمان

واعتقد كمان الناس متحمسه جدا ومستنيه...

باستثناء الناس الى عايزه تشرب بالمعلقه ودول على فكره موجودين فى كل حته ...

ودول بيفضلوا طول عمرهم فى مكانهم ومس بيتتطوروا ... واعتقد مكانهم مش هيبقى فى الورشه

مكانهم دروس ديجيتال عشان يعرفوا الزراير ...

فبجد يا حازم انا استفدت من الورشه دى جدا وانت عارف إنى انا بدأت مايا مع الورشه ....

بمعنى إن لما انت بدأت الورشه كنت لسه بتعلم مايا من اسبوع ...!!!!!!!!!!!!

ولكن الى عاوز حاجه اكيد بيوصلها ... ولكن مش بالكلام بس بالتعب بالتعب بالتعب ...

واعتقد ان التعب ده اساس ثبات المعلومه نحتها فى المخ...

فتوكل على الله يا حازم وان شاء الله الناس تحاول وتتحمس ونحمس بعضنا كمان عشان بجد الورشه دى كنز الناس مش عارفه قيمته...

اخوي حازم عندي ليك اقتراح لو تسمح

لو ممكن اخوي حازم تضع كل نهايه اسبوع درس او فكره لكي يتم نطبيقها الى الاسبوع اللي بعدو نظرا لانك الان مشغول جدا الله يعطيك العافيه

من باب المقوله اللي تقول قليل متصل خير من كثير منقطع

وجزاك الله خيرا

طبعا بس بدون ما نكثر على حبيبنا محمود
خليه يخلص شغلو و من ثم يجي يكمل الورشة بتاع Compositing

الأستاذ المبجل حازم صبرى...
معلش إتأخرت شوية ....أنا عملت Cv و عايز أخد رأى حضرتك فية .

شوف يا محمد ... اللي هاقولو ده ((((رأي شخصي)))) مش صح وغلط

1) حاول تعمل تنسيق للصفحه ... خلي برضو الورقه شكلها حلو ((بالكتابه واختيار خطوط جماليه
وتنسيق الصفحه)) من غيـــــــــــر براويز والكلام ده طبعا..

2) بلاش الحته اللي في ال objevtive بتاعت انك بتبحث عن مكانه اداريه و (senior level)
لان واضح جدا من اجمالي سنين الخبرة انها فقط اقل من سنة ... ودة معناه انك صعب اوي تقدم علي
ده .... فاهم .... لانك كده تعتبر في ال junior level

يا شباب ...
محدش يجري ورا الالقاب ... او المكانه ... دور جدااااااا علي انك ازاي تكسب خبرة ...!!
وما تستعجلش علي انك تعلي في ال level بتاعك .... وفي معظم الاحوال .. مش انت اللي
بتطلب ..!! هم اللي بيعلوك ...!! واعتقد ده افضل بكتير لانك كده اخدها عن جدارة ... واستحقاق
مش بوجهة نظرك .... او بفكرة السن .. انا عندي دلوقي 30 سنه مثلا .. يبقي لازم ابقي art director

الموضوع ... خبرة ((سنين وشغل كتيييييييييييييييييييير)) بحتة .... مش بالدراع

3) انت مش كاتب الوظيفه اللي بتقدملها ...؟؟ او انت شايف نفسك اية ...؟؟
معني اللي انت كاتبه ... انك عاوز تبقي ((مودلر , scripting for rigging يعني rigging و visual
effects ...؟؟)) دول حاجتين ...؟؟
يجي هنا الراجل ال HR يسال نفسة ....؟؟؟ ممممممم ياتري ....!!! اصنفه ايييييييييييييييييييه ...؟؟
اول ما الراجل ده يقول كده ...!! اعرف ان انت حطيط نفسك في خانه سيئة جدا .... لان برة في امريكا مثلا
لو ال HR شاف كده .... علي طول يقول ... انت مش عارف انت عاوز اية ..؟؟؟؟ شكرااااااااا اللي بعدة

خليك واضح .... خلي كل حاجتك زاي السلسله كله رابط في بعضة(( الشو ريل+ ال سي في))
... وكله يبقي هدفه حاجه واحدة الوظيفة اللي بتقدملها ....

4) انت كاتب انك عاوزتطور نفسك في Zbrush وانت اصلا مش كاتبة في البرامج اللي تعرفها ...!!! فا ازاي
تطور نفسك في حاجة لسة متعلمتهاش ....

5) انا مش شايف لازمة انك تكتب Vue (((وجهة نظر شخصية))) واضح من هدفك انك حد كاركتر Setup
وmodeler .....
بس عمتا ... قشطه ... هو كويس .. بس انا حابب تبقي حد بروفيشنال ... حد مركز جدااااااا هدفك واحد
ودي (((وجهة نظر شخصية)))

6) خلي النقاط بتاعتك في كل سطر ... عشان تخلي السي في اكبر شوية ....

7) خلي فوق بس ...
اسمك
ايميلك
رقم تليفونك
---------
فقط .... والكلام ده حطة تانفي في الاخر ... بالطريقة اللي انت كاتبهه ...
الاسم : .....
السن : .....
الاكله المفضلة : ......


معليش ... شكلي بهدلتلك الورقة .... بس انا عاوزك تكتب افضل حاجه لمصلحتك ... وبروفيشنال


TO infinity and beyooooooooooond

أستاذ حازم ....أشكرك بشدة على إهتمامك ... واللة يا إخوانة قليل لما تلاقوا حد كدة يحب يساعد و عندة ضمير ... كدة أنا أعرف منهم شخصيتين هنا فى المنتدى حضرتك بحكم الورش و النصائح و متابعة حضرتك و حرصك دة غير الكلام البسمعة عن حضرتك من زمان ... أما الشخصية الثانية فهو أستاذى و أخويا الكبير mohamed nazzal بحكم معرفتى الشخصية بية و يعلم معزتة عندى قد إية.. فربنا يكتر من أمثالكو... و يديكو على قد نيتكوا .. كنت هاقول الحتة بتاعت عادل إمام فى مسرحية الزعيم لما بيدعى للرؤساء

نرجع لموضعنا

أنا متفق مع حضرتك فى كل نقطة حضرتك قلتها ..بس كان فى حاجة نفسى أكتبها بس مش عارف أكتبها إزاى
أيام الكلية أخت كورس International Marketing و بعدها إبتدت تجيلى أفكار إعلانات و أكتبها فى كراسة و مخبيها عندى فى حتة سر فى الدولاب تانى رف شمال ورا الكوفية السودة علشان محدش يوصالة و يأخد أفكارى و بعد ما أخت كورس ال Maya خيالى وسع و الموضوع زاد فكان حلمى إنى أشتغل فى شركة أطلع فيها أفكارى من الكراسة المدفونة و أترجمها للواقع ... فتنصحنى بإية يا دكتور

استاذ حازم
مش هتكلمنا عن المقابله بقى ولا ايه ؟
وجزاك الله خير

استاذ حازم بجد ربنا يكرمك علي الموضوع ده لاني استفد منه كتير اوي
عندي استفسار يا ريت يسع صدرك حضرتك وتجوبني عليه

انا عاوز اتدرب في شركه كويسه اخد منها خبره ومش مهم الفلوس بس مش عارف ازاي
يعني لو في مكان عاوز اتدرب فيه لما اروح اتكلم مع مين هناك ؟
وهل الشركات الكبيره زي اروما وفينكس واكس ريتيد يبقلوا بحد زيي معندوش خبره ولا الاحسن ادور في مستوي اقل؟ وياريت حضرتك تقولي زي ايه؟

و انا اسعد يا حازم ...بس ان شاء الله يكون سمعك عنى خير ...."مش حاجة تانية لا قدر الله" ....


دة كان متوقع من بدرى ...بالنظر للطريقة اللى بيعملو بيها معظم الناس اللى شغالة معاهم ...و العجرفة و الغرور اللى ركبهم من بدرى و خلاهم يدوسو على كل اللى ساعدهم فى البدايات .."ربك كبير يمهل ولا يهمل "


تمام يا حازم و مقدر مجهودك تمام ...و انا شخصا استفدت من بعض نصائحك ....لكن للاسف فعلا السوق المصرى وصل للدرجة من العشوائية غير مسبوقة ...كان الامل فى الشركات القديمة هى اللى تعمل الصح و تكون مثل يحتزى بية

....لكن للاسف ..هى نفسها اللى بتخرب الاصول و القواعد ...
فى سوق زى دة للاسف بيخطلت الحابل بالنابل والكويس بالوحش ... انا مازلت متمسك بالبلد دى لاخر فرصة و عندى امل "1% " ان الحال ينصلح ان شاء الله..

على فكرة هوليود او اى سوق محترم لازم يكون شغال بنفس الاسلوب الصح ...احنا بس اللى موازين اختلت عندنا ..و عاوز اقولك كمان انهم فى هوليود ميفرقوش عننا فى حاجة ...هى الفكرة بس عندهم شوية نظام و عندهم سيستم سليم "فى معظم الوقت " لانجاز الشغل ..انما من ناحية المواهب ..فى مواهب موجود فى مصر فى نفس المستوى زى هناك ..ينقصها بس الخبرة و الاعمال اللى تشتغل فيها بنفس الاحتراف .

انا طبعا مشتغلتش هناك ..بس عندى فكرة الموضوع ماشى ازى...



انا شاركت فى روتانا سينما مش روتانا زمان ..بس اهة كلة روتانا

اللة يخليك يا حازم ....و ان شاء اللة تكون فى فرصة قريبة نتقابل و نشتغل كمان مع بعض ...انا اتشرف انى اشتغل مع فنان مجتهد و موهوب زيك ..

1) انا ياعم اسمي حازم ... لا دكتور .. ولا حضرتك ...
بحس اني ((جدو حازم))

2) شوفو ياشباب .... كل واحد فينا ... عندو كلام كتير اوي اوي ... وطموح .... وانفجار ..!!
ونفسو يشتغل بشكل جبار في شركة كبيرة ... فنفسو يعرض كل كل كل حاااااجه عنده عشان يتقبل ..!!
وعمرو ما فكر ...!! اللي بيعملو مقابله ده شايفه ازاي ..!!!

انا بتكلم ((من الاول)) علي انك حتي لو حد مبتدئ ... برضة تخش بشكل محترف ... مش يتبصلك انك
حد ملوش لازمة ..!!!
كلاكيت تاني مرة
تخيل نفسك حد بتاع مبيعات ... وبتسوق منتج اللي هو حضرتك ...لعميل اللي هو الشركة ..
هل عمرك شفت حد بيشتري من حد جايب شنطة كبيييييييييييييييييييييييييرة جداااا مليانه لعب و اجهزة
واكل و سكاكين و هدوم و ترنجات و ...... الخ الخ ... وعمال يطلع للعميل كل حاجه ويفرشهاله
و انا ببيع ده و ده وده وده وده ... ((العميل)) شكرا شكرا ... مش عاوز ..!! ((انت)) لا لا لا
استنه بس هاقولك ..!! وده وده وده وده ...!!!

لكن لما تبقي حد مركز اوي اوي علي حاجه واحدة بس ...!! مهتم بيهه جدا وعمال بتعرضها بشكل
محترف جدااااااااااااا ... وبتقول ... انا متمكن جدا من ده ...

انت دلوقتي عاوز تضيف شغلانه 3 في ال cv بتاعتك ..!! واللي هي انك creative
اعتقد ... انك لازم تختار انت عاوز ايه ..؟؟
لان كل سكة من اللي انت بتتكلم عنهم دول .. سكة لوحدو ..!!

وتاكد ... انك بالشكل ده مش هتبقي متمكن من ال 3 بشكل محترف ..!!! لانك مركز علي 3 حاجات
شوف ايه ((اقوي حاجه عندك واحسن حاجه وبيع بيهه)) وماتقلقش لما تتعين ... هيخلوك تشتغل
كل حاجه ... وهتعمل شاي وقهوة كمان

اكيد هنتكلم .... وهنتكلم اكتر ما اتكلمن في كل اللي فات


اكيد سمعت كلام خير يا ايمن
و والله كان امل حياتي اني كنت الحق الجيل بتاعكم ... لانها من اقوي الفترات اللي عدت علي اروما وعلي
السوق ...

والله يا ايمن ... عارف ..!!
انا نفسي الجيل .. اللي طالع دلوقتي هو اللي يظبط السوق ... بس هو الاول يفهم .. ويمشي صح ...
ونفسي بجد اننا يبقي عندنا فكرة ((انتقال الخبرات)) ودة بالظبط اللي مش موجود في السوق ...!!!

وعشان كده عمرنا ما هنطور ((انا ماقصدش افراد)) انا اقصد المستوي العام .... السوق ...!!

علي فكرة ... انت اكيد تعرف احمد بهاء ..
اهو ده واحد من الناس اللي بجد ... ((بسم الله ماشاء الله)) من اكبر الامثله للكفاح والمثابرة ورا هدفه
تعرف انه شغال في امريكا من سينين ... و اشتغل في 2012 وافلام كتيرة جدا كبيرة ...!!!
http://www.ahmed-vfx.com/videos/Ahme...2009-7-web.mov

فين الناس ده في مصر ...!!!
الكل اول ما بيوصل لمرحلة من الخبرة ... و ((القرف)) بيسيب البلد ...!!!
فاعمرنا ما هنطور

فانا نفسي افيد الشباب هنا ونطلع جيل ... فعلا ... متعلم مننا كل اللي استفدناه ... ويكمل من عنده ...

موضوع جامد جدا باشمهندس حازم
بقالي ساعتين بقرأ في الموضوع , بجد يستحق مليون نجمه مش 5 بس
انا بدرس جرافيك و فنون اعلان بس لسه مشتغلتش في السوق و موضوع حضرتك فادني جدا
متابعه مع حضرتك ان شاء الله

اه طبعا ...دة صديقى ....ربنا يوفقة فى السنيما العالمية

هما دول ال creative و ال art director صح ؟؟
ولا اللي بيمشي على الحيط ده بيكون
freelancer
وازاي ممكن حد ييكون freelancer ؟؟

انا عندي اسأله تانيه
بس بونو شكله مجاش انهرده
ففرصه تانيه ان شاء الله

ال Freelancer دة اللى بيشتغل خاص و مش مرطبت بمكان معين ...يعنى يتم تكليفة بشغل معين فى وقت معين ...و مش بيمشى جمب الحيط ولا حاجة ..بالعكس ..اكبر الفنانين فى العالم فرى لانسرز ...بس انتى محتاجة وقت و خبرة كبيرة عشان تكونى فرى لانسر ...و ممكن كمان تجمعى بين اكثر من وظيفة او مهمة "لو عندك القدرة على دة" .

ال Creative دة اللى بيعمل الافكر و ال Story board بتاعتها اللى حتتنفذ جرافيك او غيرة "تصوير مثلا " .....و فى ال Creative Director دة اعلى منة كمان و دة اللى بيعملها و بيكون مسؤل عن تنفيذها و اخرجها كمان .

عموما متشغليش بالك كتير الان بالالقاب ...اهم حاجة انك تكون محترفة فى مهنة محددة فى الجرافيك و تطورى جامد من نفسك فيها ...هو دة اللى حيحدد مستواكى و سعرك بعد كدة ...

بتدرسى فين الجرافيك و فنون الاعلان دة يا هبة ؟؟