http://www.youtube.com/watch?v=FS88pDKuxjI

مشكور ابو مايا فيديو جميل

اسف لم استطع عمل اختصار اى شرح لضيق الوقت
عشان كده
شرح استاذ فيصل للوضعيات
http://www.maxforums.net/showthread.php?t=142066
http://www.maxforums.net/showthread.php?t=142775

اى اسئله ضعوها هنا او اى نقاش عن البوزس مش عايزين النقاش ينام
ان شاء اله هحاول ائتى باى جديد

فيكتور نيفون ( احد محركي بيكسار )
http://www.navone.org/blogger/2008/07/posing.html

ليا عودة تانية مع صور اخدتها من فيلم البطل الخارق بس اظبتها واجي

مرحب شباب
فعلا
نقاش هذا الاسبوع ... من الامور المهم واللي احنا لم نهتم بها بالشكل المطلوب....
مع العلم ان عدد كبير من المحركين قديما وحديثا .....اعتبروا ال pose من مباديء الانيميشن بل ومن المباديء الاساسية ....
مبدأ ال pose مستمد من المسرح....لان الممثلين بيكونوا عارفين ازاي يعبرو عن مشاعرهم بلغة الجسد
Walt Disney اتكلم كتير ...انه ازاي كان بيدرس حركات ولغة الجسد الخاصة( بشارل شبلن) وممثلين تاني كتيييييييييييير.....وازاي كان بيستخدم الحركات دي كمراجع ...للشخصيات اللي بيحركها

بس خلي بالك قبل ماتمسك القلم الرصاص...علشان ترسم الوضعيات بتاعتك...لازم تفكر كويس في دور الشخصية اللي انت بتحركها في المشهد بتاعك...دورها في القصه.. ورؤية المخرج ووجهة نظرة...كلها حاجات بساعد للوصول للوضعية المطلوبة

تعالو نشوف الخطوات اللي لو اتعملت صح........ الناتج هيكون وضعية صح

الخطوة الاولي
ارسم رسومات كتيييييييير علشان تستكشف اوضاع مختلفة...وهيكون اعتمادك علي وقفات الجسم للوصول الي وضعية مقنعة...وايك ان تعتمد علي تعبير الوجه


الخطوة الثانية
حاول الاهتمام بخط الوضع (LINE OF ACTION)وبالغ علي قدر المستطاع ....وخليك فاكر التعبير المراد وانك عايز توصل بيه لاكبر قدر من الوضوح....وهكذا علي مدار الوضعيات الراوية للقصة


الخطوة الثالثة
الصورة الظلية لازم تكون واضحة...ومش محتاجة تفكير او تخمين من المشاهد
والتعبير يكون واضح كتخطيط...



باختصار... اي وضعية انت شغال عليها.....لازم تفكر في الحاجات دي
هل الكركتر مرتاح في الوضعية
هل التعبير واضح
هل الصورة الظلية واضحة
هل ممكن انا بنفسي اقدر اعمل الوضعية دي
هل ممكن ان شكل الرجل والزراع ( حتي لو في مبالغه) هيكون كده
هل انا شفت الوضعية دي قبل كدة....من شخص عادي... من ممثل ...........االخ

بالتوفيق للجميع
علي فكرة الكلام السابق...جزء صغير مترجم...والباقي اجتهاد مني علي حسب فهمي للموضوع ككل...
يعني يتراجع... والحاجة الغلط نصححها...او نتناقش فيها او في مدي اهميتها

سلام

يا شاااااااااااااادي
حاول تقلل من حجم الصور اللي بترفعها.....
يا معلم...مش كل الناس عندها سرعة عالية زيك

علشان الصفحة تكون خفيفه.....لو مبتعرفش تقلل الحجم قولي

هههههههه هي كده كبيرة
ديه كانت اكبر من كده وانا صغرتها بس كويس انك قولتلي

_____________________
ديه يا جماعة بداية لترجمة الرابط اللي كنت وضعته فوق

لما حد من الطلبة بيسالني ايه هو اهم مبدا في مبادئ التحريك ال12
الاجابة على السؤال ده شبه مستحيلة
زي لو حد سالك ايه هو اهم جزء في جسم البني ادم
لانك محتاج كل جزء في الجسم عشان تعيش
بس انا هحاول اجاوب ونعتبر السؤال هو
ايه اكتر المبادئ حيوية

على طوول الاجابة بالنسبالي هي Poses
الاوضاع

او احتمال يكون التايمنج او التوقيت

ده بيتوقف على انت هتحرك ايه الموقف ووالاستايل ونوع الشخصية
انا هتكلم دلوقتي عن الاوضاع واتمنى اني اتكلم في مقال تاني عن التوقيت


تمام
انا عارف ان الاوضاع مش من مبادئ التحريك
بس هي مهمة جدا لانها بتجمع العديد من مبادئ التحريك ال 12
زي staging
والمبالغة والابيل وغيرها ,,
تاني هنقول ان اهم مبادئ التحريك ده سؤال ساذج ملوش اجابه
الاوضاع الجيدة من غير حركة ديه كوميك بوكس
بنقدر من خلال صور ثابته نعرف القصة من غير حركة
والمحرك الجيد هو اللي بيقدر يدور المشهد كله ويعمل اوضاع واضحه تعبر عنه
والوضع الجيد هو اللي بيقدر يتصل بالشخصية بتاعتك ويوصف حالته النفسيه وقصده ايه وبيفكر في ايه وغيره
لازم لما نيجي نوقف الفيديو او نقفل الصوت نقدر نفهم هو بيفكر في ايه وزعلان ولا فرحان وهكذا
باختصار
الوضع الجيد بيقول القصة من غير ما يتحرك

باقي المقال هحاول اترجمه تاني لاني في حاجات مش فاهمها
فهل من مسااااعد ده الكلام ده لو الترجمة عجبتكم ؟؟؟

معاك...ابعتلي الجزء اللي عايز تترجمة...
ولا هو الرابط وخلاص

هو الرابط
انا ترجمت لغاية الصورة وقريت الباقي بس فيه كلام كتير مش فاهمه
شوف انت هترجم لغاية فين وانا ابقى اكمل