انا اسف سهو غير مقصود مني المره اللي فاتت
بقيت الرد ما تبعتش كامل
فانا اسف جدا نستكمل اللي ناقص
تبويبات اعدادات الـ Day light system
Day light parameters
mr sun basic parameters
mr sun photons
mr sky parameters
mr sky : haze driven
mr sky advanced parameters
mental ray indirect illumination

اخي الفاضل
انا معاك ان الداي لايت محدود الامكانيات لاااااااااااااااااااااااااااكن
ما فيش اداه ايا ماتكن بتبقى جوكر
بمعنى انك تقدر تستخدمها في كل المشاهد وتوظفها مع كل الظروف
مشكلتنا في الدول العربيه اننا بننحصر في منطق الاداه السايده
الفي راي هو الافضل ولا نبحث في ما هو بعده
او بمجرد ان الناس تعرف ان المنتل راي الاحسن احنا خلاااااااااص مش عايزين نعرف ايه تاني
دنيا الريندر فيها اكتر من اينجين
في في راي
في منتل راي
في ماكسويل
في فاينال ريندر
في برازيل
وفي
وفي
وفي
المهم اللي بيحكمك المشاهد النهائي اللي عاوز توصله ايه
المواثفات اللي فيه ايه
عاوز ريفليكشنات طيب احن برنامج اتعامل معاه ايه
المشهد فيها تاثيرات اضاءه
المشهد في شغفل خامات
وفي انيميشن وافكتات
دا لو انت حتشتغل الدنيا باسس كمان حتلاقي نفسك بتتجه لباسات في المنتل وياسات في راي
وهكذا
اما حكاية الداي لايت سيستم خيار محدود
انا ما افتكرش ابدا اني قلت انه مطلق
لكنه ابدا مش اداه عاجزة او ضعيفه
بالعكس اداه قويه وحل سريع لاضاءة المشاهد البسيطه وبسيط الاعدادات
بس وده اللي جنشوفه سوى من خلال التطبيق
وحتلاقيني بعدها برده بستخدم اسلوب تاني للاضاءه غير الاتنين اللي فاتوا
اما ليه بنتكلم منتل راي بس
لاني قلت من الاول انا حتكلم فيه بس
ومش ححاول اتكلم في غيره
واخيرا اشكرك واحييك على رايك التفاعلي

السلام عليكم الآن سيبدأ الفيلم mental ray geek
سأتكلم صراحة عن تجربتي الخاصه لقد تجاوزت الداي لايت سيستم في المشاهد الخارجيه بعد البحث والتجارب المكثفه أعتقد أن هو ما يجعل الناس يفرون من mental ray ففي البدايه تعجبهم النتيجه لكن بعد مايتبين لهم أن هذا الخيار محدود يذهب الناس إلى الفي راي ماذا تقول في هذا الرأي أخ شريف ؟؟
أعتقد أن إيجاد طريقه أخرى للإضاءة الخارجيه هو الحل الأمثل

درس رائع رائع
نحن متابعون معك للاخر

بارك الله فيكم يا اخواني
ربنا يوفقنا جميعا لما يحبه ويرضاه

اشكر مرورك اخي علي
انا فعلا ناوي اعمل كده بس في النهايه لان مش كل الناس بتروح على قسم ( المواضيع التعليمية والدروس ) وانا حابب ان يكون في تفاعل اكتر مع الناس علشان يبقى في اكبر قدر من المعلومات
فمعلهش بقى حنتعيك حبتين يا ابو علي
هههههه

السلام عليكم
والله العظيم استاد بحق مجهود جبار ومعلومات مفيدة ورائعة وان شاء الله لحد الان كل شئ واضح وتمام
وان شاء الله ربنا يوفقنا في التطبيق رائع وتستحق كل الخير
والف شكر لك أخي الكريم

مجهود رهيب بدون اى تقدير انا متأكد ان فيه ناس متابعه موضوعك من باب العلم بالشئ ومكسلين يردو ويقولوا على الاقل شكرا

ممكن اخي شريف تفتح موضوع في قسم ( المواضيع التعليمية والدروس ) و تضع به كل الدرس
الحقيقة اجد صعوبة في متابعة الموضوع
بارك الله فيك

اللي جي بقى ازاي نطبق الكلام ده في اضاءة المشهد بتاعنا
الناس تاخد بس فرصه تتمعن في معاني الكلام ده
وتدوره في دماغها

الشعاع اللي راجع ده وواخد معاه لون السطح اللي ارتد من عليه بياخد اللون ده ويرميه على الاسطح المحيطه بيه
الظاهره دي اسمها الـ Color bleading الظاهره دي ممكن تتسبب احيانا في تشويه المشاهد وبيكون فيها نوع من الجهد عشان تحكمها
الصفه التانيه في الاشعه المرتده دي وهي بالمناسبه اسمها Bounce الصفه التانيه انها مالهاش اتجاه مرتبط باتجاه الشعاع الاصلي اه جزء منها بيتجه في الاتجاه المقابل لكن هي عموما بتاخد كل الاتجاهات وكانها بتعمل شكل قيه او نصف كروي Hamesphire واللي اشتغل فيراي عارف المصطلح ده
الصفه التالته ان الاشعه دي بيفضل ليها القدره على الاضاءه فبنلاقيه بتنور الاسطح اللي بتقابلها حتى لو كانت مش معرضه لمصادر الضوء الاصليه شوف كده الصوره دي


الصوره دي من اشهر صور الشرح في الموضوع ده
الصوره لكره معرضه لضوء الشمس والسما
ولانها كره فطبعا في اجزاء محصوره بين الكره والارضيه الاضاءه المباشره ما وصلتلهاش اصلاوالمنطق بيقول انها المفروض في المناطق المظلمه لكن لو ركزت حتاخد بالك ان الاجزاء دي تحديدا منوره اكتر من غيرها اللي قبلها
مش بس كده لا دي في مساحه في وسط ظل الكره برده منوره اكتر من اللي حوليها ليه ؟؟؟؟
علشان الضوء اللي نازل اصطدم بالارصيه وارتد منه على الاجزاء بتاعت الكره اللي قريبه منه والعكس حصل
الكلام ده اتسبب في تقسيم انواع الاضاءات لنوعين الاول واللي هو جي من مصدر الاضاءه مباشرة وده اسمه direct illumination واحيانا بيسمى global illumination على اساس انها الاضاءه السايده في المشهد وانها هي الاساس اما الاضاءه اللي ناتجه عن الاشعه المرتده من اصطدام الاضاءه الاساسيه فاسمها indirect illumination بمعنى الاضاءه غير المباشره

طيب بص الصوره دي


لاحظ معايا ازاي الشعاع اللي لونه ازرق اللي نازل ده لما لمس السطح اللي قابله نتج عنها مجموعة اشعه اخرى
كل شعاع من الاشعه دي ليه مواصفات معينه
اولها بالنسيه للون لون الضوء اللي اصطدم بالسطح مش دايما هو هو
ابدا دا بيتغير ويسيب اللون الاصلي ليه وياخد من لون السطح شوف كده الصوره دي



واخد بالك الضوء نزل ابيض لكن الارتداد بتاعه طالع بلون الارضيه ازرق

طيب نتكلم احنا عن الـRadiosity طبعا انا كنت اتمنى مشاركة الاخوة اللي تخطو الالف وثمانمائه معانا ولو بمعلومه
لكن ما باليد حيله
Radiosity

هي بتعبر عن عملية ارتداد الضوء عن الاسطح عموما سيان عاكسه او غير بمعنى ان الضوء ده عباره عن مجموعه من الاشعه اللي ماشيه في خط مستقيم طيب لو قابلها سطح ما بتتصرف ازاي
لو السطح ده عاكس بترتد بزاويه معاكسه لزاوية السقوط
لو السطح ده نافذ شفاف يعني يبقى بتعدي منه للناحية التانيه مع تاثر في الاتجاه تبعا لنسبة الشفافيه وكثافته اللي هو الـ Refriction بتاع الخامه
لو السطح ده عادي يعني لا هو عاكس ولا شفاف بيحصل اييييييييه ؟؟؟؟
اللي بيحصل ان شعاع الضوء اللي نازل ده بيتشتت الى مجموعه من الاشعه الصغيره اقل في القوه طبعا نتيجة التفتيت اللي حصل لحد هنا دي ظاهرة الـ Radiosity

يا عم ميدو اخجلتم تواضعنا والله باسلوبك الرقيق ده
اولا هو باستخدام الـ OMni كاضاءه السما مع تفعيلambient قد تكون الاضاءه ضعيفه لكن يمكنك التحكم في قوتها من خلال الـ intinsity multiplyer مع مراعاة ان عموما اضاءة السما بتكون ضعيفه مش هي اللي بتنور المشهد بقدر ما هي مؤثر بسيط
وبعدين زي ما انت قلت بنستخدم direct light لعمل اضاءة الشمس
وعلى فكرة نفس الاسلوب ممكن تستخدمه لكن بدل الـ Omni تحط sky light وحتحقق نفس النتيجه بس انا فضلت استخدام الـ Omni عشان بيديك امكانية تحكم اكتر في الاضاءه بخلاف الـ Sky light مش اكتر من اعدادين وخلاص وبرده نفس الطريقة الناس اللي عملوا ال Day light system حتلاقيهم مطبقينها دمجين دايركت لايت للشمس ومعاه sky light او omni لاضاءة السما وشوف بنفسك
وربنا يوفقك وشد حيلك يا عم ميدو