وفي رواية ( إني أخاف ان تفتن في دينها . . . واني لست احل حراما ، ولا احرم حلالا ، ولكن والله لا تجتمع بنت رسول الله وبنت عدو الله عند رجل واحد ابدا ) .

يا زيزى

لو تقرأى كلامى مره اخرى تجدى انه ليس ضد المرأه ولا ضد الرجل

هو ضد المخطىء فيهم وجعل فكره الزواج سيئه او صعب الامر وانتج نفور منه او تسبب في عنوسه

لكن انتى مهاجمه الرجال على طول الخط حتى اقتباسك بصراحه مش لطيف لان



((و متحطش كل الذكور فى سله واحده و تقول عليهم رجاله)) تعنى ان فيه رجاله كما تقصدى


جدعان وفاهمين الرجوله

طيب ليه اقتباسك من ايناس :

((الرجاله عندنا بتفكر بنصها اللى تحت)))
اليس انت من جمعت كل الرجال فى مقوله لغيرك تحمل موافقتك ؟؟؟

طيب هنا

انت اعذرينى اخطأتى لان ليس كل الذكور رجال بما تحتويه الكلمه من معنى وفى نفس الوقت اعتبرتى كل الرجال سواء يفكرون بطريقه سيئه

وكلمه عندنا

يعنى حددتى العرب يعنى احنا

هذا خطأ فى توجيهك للموضع الى هجوم على من لا تعرفيهم وجمعهم فى صفه واحده

لا تحولى الموضوع الى حرب بين رجل وامرأه وتبادل اتهامات

لا انا دائما فيما اكتبه داخل هذا الموضوع الوم الاثنين واكلم الاثنين واشركهم فى الخطأ

ما عدا ردودى عليكى طبعا اكون مختلف لانه رد على هجوم منك


لكن دعينا نحن الرجال بمعنى رجال وليس ذكورا فقط ننصح الرجال والشباب بما هو صحيح ومفيد ونعلن ايضا للفتيات عن القصور الذى نراه لعلهم يدركون الخطأ او يغيروا فكرتنا لو خاطئه

المهم ان نصل للصح لخير الناس وليس الى ساحه اعتراك فى اثبات من هو المخطىء

===
(((بدل ماهى زى ماقال ياسر اللى عايز يبيع علبة كبريت يحط عليها صورة ست)))

فى الحقيقه صوره السيده الجميله تبيع المنتج للراجل والست ايضا

وكثير من ادوات تجميل السيدات اعلانتها سيده جميله جدا مع ان المبيعات للسيدات
طبعا كل واحده تفتكر انها ستصبح مثلها فتشترى

=====
((((يعنى مش كل واحد قلب تعتبره راجل)))

ممكن توضحى المعنى باسلوب ارق بما انك فتاه

مثلا :

الرجوله ليست جسمانيه فقط بل هى شخصيه واخلاق والتزام وحنان وغيره
وليس كون الانسان ذكر ان تتوافر فيه صفات الرجوله


ايه رايك ؟؟؟؟ مش كده الطف ؟؟؟؟

وفى الحقيقه المعنى ايضا للسيدات ليس كل سيده يقال عليها ( ست ) او ليدى


كلامنا يا زيزى

ان الفتاه يجب ان تكون اسم على مسمى والرجل كذلك اسم على مسمى

وتأكدى ان الرجل بمعنى كلمه رجل وليس مجرد ذكر يفكر جيدا بعقله بل ان عقله

هو الذى جعل صفته رجل وليس ذكر


==
من الاسباب المكتشفه فى المنتدى اليوم لعنوسه

طريقه الفتيات فى الدفاع بالهجوم

هذا كفيل بان يطفش اى شاب ويجعله يفتكر ان البنات بتظن به متنصص ومضحوك عليه
بيشترى كبريت علشان الصوره وانه كان انثى اصلا وقلب

والله ما حد يسأل ثانى عن اسباب العنوسه ولا تقولوا اقتصاد

لا ده العمليه اصبحت فيها سوء فهم وقط وفار طيب كيف يتزوجوا ؟؟؟؟؟

واضح انني اضيع وقتي
واحد اذا رد يكتب 14 مجلد وكلها كلام فارغ
والثاني حدث لم يبلغ الحلم (قد يكون بلغه جسديا ولكن عقليا؟.... لا اعتقد)
وواحد يقول ان الملاحدة والحيونات والجمادات اخوة لنا في الله ويقول اننا يجب أن ندعو الجماد الى الاسلام (وابشركم انني وصلت الى مرحلة متقدمة في دعوة دولابي الى الاسلام بفضل هذه الفكرة النيرة)

اعذرني اخي حسام على الخروج عن الموضوع

اخي حسام انا اسف للخروج على الموضوع ..

لكن احببت اوضح المثل الي قاله اخي زيزو ..

المـــــــــــــــــعذرة..

الف شكر يا مزايا

انا اعرف اخلاق زيزو لذلك انتظرت التوضيح

بعد التحيه و السلام


د . عمرو اشكرك على الملحوظه التقنيه
انا كنت بسمعها زى ما قولتها...... يمكن اكون فهمت غلط
و على العموم بما انك دكتور فأنت ادرى و اصح طبعا
و على فكره انا اول مره سمعت عن هرمون الذكوره
استغربت و قولت سبحان الله ...له فى خلقه شئون

موضوع ايناس الدغيدى
انا مش فى موقع الدفاع عنها
هى حتى مش مخرجتى المفضله ... انا بحب ساندرا و كامله ابو ذكرى و هاله جلال
و كل واحد طبعا حر فى رأيه و انطباعه عن الاشخاص
سيبك بئه من ايناس
خلينا فى المهم

فى راجل زبال و ست زباله
و الله انا معنديش مشكله ومن رأيك بالظبط
الست اللى عايزه تشتغل لازم تقبل الباكج كامل
و مفيش اى اهانه لاى حد بيشتغل مدام العمل شريف


انت بتقول .. ليه شايفه ان المرأه اللى بتقوم بواجبها اللى ربنا كلفها بيه فيه اهانه

انت فهمتنى غلط خالص
انت كنت بتكلم عن خروج المرأه الا باحتياج
و انا حبيت اقولك ان يوميا فيه مية ألف سبب يخلى المرأه تخرج واسباب تبدو بسيطه
لكن هى مهمه
و مقصدتش ان ده فى اهانه للمرأه
ده واحد من اعمالها اليوميه اللى بتأديها بسعاده
و الست اللى بتأدى الخدمه ديه بره البيت بفلوس
فده عمل لازم نحترمه

الراجل اللى فى المثل اللى ضربتيه حرامى و شمام ( عشان معدد زى بعض الانبياء)
انت ازاى ربطت بين الاتنين؟؟؟؟؟؟؟؟؟؟؟؟؟!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟!!!!
اولا انا مجبتش سيرة الانبياء و لا يمكن اعمل الربط ده ولو رمزيا حتى
انا كنت بتكلم عن الست اللى خرجت تشتغل عشان تجيب فلوس تصرف على البيت
وممكن جدا يكون الراجل فى الظروف ديه حرامى او شمام او اى حد مش فارقه معاه عياله وبيته
او ممكن يكون متزوج تانى وتالت و برضوا مش فارقه معاه لا الزوجه الاولى و لا العيال
و لا اى حاجه
و لاحظ انى كنت بقول
او .... او .... او ......

و الانبياء ملهومش علاقه باللى بيحصل عندنا النهارده
احنا فى زمن و مجتمع مليان بالفساد و الحق بيتقلب فيه باطل

و دول انبياء ...........مينفعش نعمل مقارنه حتى


نتيجة خروج المرأه اسره فاشله
طب اقرا الحوادث و شوف كام ست بيت مذنبه و تاهت منها معانى الاسره
الحياه الاسريه مش معناها ست اعده فى البيت طول النهار ولو خرجت تشتغل يبقى
ضاع الحب و الدفء فى الاسره
الام مش بتعبر عن حبها لأولادها بأنها بتقضيلهم طلباتهم
بالعكس الحب بيبان فى تفاصيل بسيطه جدا
فى لمسه من ايد الام او فى نظرة عين مليانه دفا او حضن تحس فيه انك بامان
لحظات سريعه جدا لكن بتكون كفايه عشان تطمن ان الحب و الامان موجودين
دايما فى المكان ده
و الحاجات البسيطه محدش بيتعلمها واللى موجوده فيها مبتفقدهاش اذا خرجت من البيت
و صدقنى لو مكنتش موجوده اساسا فى الام يبقى عليه العوض فى البيت ده
لأنه صعب تعلم حد الحب



يا ياسر انا فاهمه طبعا انك مقصدتنيش
انا حبيت اضرب مثل
الناس دايما بتحكم على بعض من خلال الشكل الظاهر
مع ان مفيش حاجه فى الدنيا بتخدع اد المظاهر

السيما بهدلت الشرع !!!!!!!! طب اسمع الفتاوى اللى بتتقال النهارده من على لسان الدعاه انفسهم
و العلاقات الاسريه متبهدله خلقه
التجاريين بتوع التحابيش دول مش فنانيين اساسا



فى الحديث
و لكن والله لا تجتمع بنت حبيب الله و بنت عدوالله عند رجل واحد ابدا

بنت ابى جهل قيل انها اسلمت و صلح اسلامها
تفتكر الرسول يقول ويقسم بأنه لا تجتمع بنت عدو الله و بنت حبيب الله عند رجل واحد
و ربنا بيقول لا تذر واذرة وذر اخرى
و لماذا غضبت السيده فاطمه - هل ايضا لنفس السبب ؟
علي ناكح على بنت ابى جهل
ام لخوفه ان تفتن السيده فاطمه فى دينها ؟ كيف وهى من بيت النبوه



مش عارفه
بس بصفتى بنت احب اقولك ان مفيش فى الدنيا شىء يؤذى امرأه مثل الزواج الثانى
ده فى اهانه ليها فوق ما تتصور


و يا عماد
صحيح انا استخدمت كلمات بيئه شويه و تعبيرات مش مناسبه
و تشبيهات انا فى الحقيقه مبقولهاش خالص
و بعتذر اذا كانت كلماتى و ما اقتبسته ضايق حد
و انى كنت هجوميه كتير...شويه
بس ياريت تلتمس ليه العذر
طول النهار و الليل
ناس تفتى فى شأن المرأه ومايجب و ما لا يجب
و بعدين يختلفوا فيشتموا
يختلفوا علينا و بيشتموا فينا
و لو من شخص عادى كان يبئه مقبول .... كل انسان حر فى رأيه
انما لما يكون معظمه من رجال دين او ناس فى عباءة الدين
بيكون محزن و محبط
لان مش بيقوله ديه ارائنا بيقوله ده رأى الدين
قولى ساعتها نعمل ايه

انا كمان اتمنى ان الحال ينصلح
و تكون نظرة الولد للبنت احسن و كذلك نظرة البنت للولد

و الموضوع بسيط
البنت مش هتحتاج من الراجل غير الحب و الامان
و اظن الراجل مش هيحتاج من البنت اكتر من كده

و الصلح خير ..... اوم نتصالح
وبهدى للجميع بيت الشعر اللى فى التوقيع تحت
ده من قصيدة قلبى يحدثنى لابن الفارض
ديه اكتر قصيده انا بحبها .... و اللى عايز يحبها ياريت يسمعها من الشيخ ياسين التهامى


تحياتى للجميع و اسفه على الكلام البايخ
زيزى

يا استاذه زيزي
الحديث واضح جدا والسبب هو النسب نفسه وليس التعدد (لا تجتمع ببنت عدو الله في بيت واحد )
بمعني اخر انها لو بنت ابي بكر الصديق علي سبيل المثال يزول السبب
وكلامك عن التعدد بالطريقة دي يعني ان اغلب الانبياء كان ظلمة لان هؤلاء من نستن بسننهم
ليه ما اكنش راجل عادل وبتقي ربنا وبحب بيتي ومتزوج من اتنين ويكون هما نفسهم رحماء مع بعض ؟
ملحوظه انا احدثك من امثله حقيقية
ولما المرأه ترفض التعدد تبقي بتدي نفسها حق حتي زوجات الانبياء لم يكن لهم هذا الحق وهذا تدخل في تسنين الله للشرع (فانكحو ماطاب لكم من النساء ) طيب اعمل انا ايه بالايه دي ؟
الناس مالهمش انهم يحكمو علي بعض اصلا
احنا لما بنتكلم في شيء بيكون فقط لارساء القاعده
لان حتي تطبقي الحد في الاسلام لا يجوز الا بقاضي
ممكن يكون بينا نصيحه بالحسني
ولما استاذ فريد الاطرش يطلع بكل تبجح ويقول جوز الاتنين يبقي بوشين يبقي بيتهم سيدنا داود انه ب 60 علي حسب عدد زوجاته في العهد التوراه !
مع ان المرأئه خرجت للعمل وتقريبا الي بياخد حقه في شرع الله بيكون تريقة المجتمع وهلك الحرث والنسل بسموم تنظيم الاسره لدرجه ان الجيل الجديد من النساء الاجهز التناسليه ضعيفة لدرجه ان الست لو ما ولدتش قيصري ممكن تموت
اين الهدف !!
طبعا مش معاكي نهائي في موضوع ان المرأئه العامل تهتم بأسرتها بنفس طريقة المرأئه المتفرغه
وطبعا المرأئه علي عينا وراسنا فهي الام والاخت والزوجه
لكن اقدر اقولك كرجل ان الولد بصفة خاصة امه بتكون في المقام الاول وبيتأثر جدا بأدق التفاصيل
والنتيجه الحضانات الي بتخرج اجيال تشعر بالغربه في بيتها
اصلاازاي اقارن وظيفة المرأئه (انتاج الامم ) ببيع الشياء او السيكريتاريه
اذا كان الراجل نفسه طفشان من سوق العمل والمهانه الي فيه تفتكري الست ممكن تاخد منه ايه
لما ربنا يقول قرن في بيوتكن (اكيد فيه سبب )

زيزو , ضع احتمال أنك لم تفهم الكلام قبل أن تسفهه , ثم أنني لم أقول هيا ندعو الجماد إلي الإسلام , فهذا فوق كونه تسفيه لكلامي فهو كذب , وأدعوك إلي إعادة قراءة كلامي ربما تفهمه,

الأخ الكريم يقصد هذه المشاركة

zy : بصراحة انا لو كنت بنت كنت اتخنقت من واقع المراة اكثر مانا مخنوق من حالي علي الرجل الان .

اخ ياسر فين دروك كمشرف

انا مش مخاصمك ولا بخاصم احد اصلا

والدليل انى استمريت بالرد

عموما حصل خير كل موضوع ممكن يبقى خناقه وممكن يبقى استفاده


(((((و الموضوع بسيط
البنت مش هتحتاج من الراجل غير الحب و الامان
و اظن الراجل مش هيحتاج من البنت اكتر من )))

فعلا الموضوع يمكن التعبير عنه ببساطه وليس الموضوع بسيط

هذا ليس تصحيحا لغويا كما افعل كثيرا واصحح

لا

فى الواقع الحب والامان من اصعب الاشياء على البشر ويمكن يحققوا ملايين الانجازات ولا يصلوا للحب والامان

من لا يحب الناس كلها لايحب شخصا منفردا

من هو اصلا خايف من الناس كلها لا يعطى الامان لشخص بعينه

الحب : لا يظهر فجأه تجاه زوجه لكنه كان موجودا فى علاقات الشاب باهله وجيرانه ووطنه ثم يظهر النوع الخاص من الحب تجاه الزوجه

لكن من كان لا يعرف يحب لن يعرف ان يحب

والامان : هو شعور بالاستقرار والثقه والمسانده والزوج القلق يقلق زوجته والزوجه الخائفه تقلق زوجها


واصلا العنوسه نتيجه عدم محبه بين الناس جعلت اهل العروس يتربصوا بالعريس
واهل العريس يتربصوا بالعروسه


وعدم الامان : هو ماجعلهم يظنون ان الامان اقتصادى مادى فقط وركزوا عليه



الملاحظه العامه على العالم كله وليس فى بلادنا

ان كل الناس خائفه ومن ليس خائف صنع لنفسه عدوا يخاف منه

ومنهم من صنع حربا اصلا خوفا من شىء لم يحدث


وهكذا


اصغر انواع الحب والامان هى داخل البيت ولو البيوت احتوت عليهم لانتشر فى الحى كله
ثم المحافظه ثم البلد

كذلك الترابط يبدأ من البيت ويمتد للوطن ثم الى القوميات


قوه المجتمع من البيت

.

خطأ 0000 لانه في دول الخليج يوجد عنوسة

التناسب الطردي لا يعني أن البطالة هي العامل الوحيد في العنوسة , ولكنها عامل من العوامل ,

ولكن من قال أن دول الخليج ليس بها بطالة؟